ئەمین گەردیگلانی
تا دڵی ئێمە لە سایەی هونەرێ ڕووناکە شەوی ئاواتی هەموو خەم لە بەرێ ڕووناکە وەشەوارەی دەکەوێ چاوی زەمان زۆر بێ نوور تا ژیان پڕ لە شەوە و چەرمەسەرێ، ڕووناکە تاکوو باخی گوڵەهیوایە هەبێ و تینوو بێ چاوی ئەسرینی هەموو دەربەدەرێ ڕووناکە بەسیە ڕەشبینی تەمی خەم لە دڵت دەرباوێ کانی فرمێسکی لە قوڕ دێتەدەرێ، ڕووناکە دەنکە بارانە لە نێو ڕۆحی ڕەشی هەورایە بۆخەمی پیرەزەوی دادەوەرێ، ڕووناکە خۆر کە بۆماچی زەوی دانەگەڕێ ناشلوێ ماچی ئەستێرە بکا هەر لە سەرێ، ڕووناکە مانگی ڕووت جووتە لە بن دوو پەڵە هەوری ڕەشدا بە نیگای خۆری مە هەریەک لە بەرێ ڕووناکە چاو لە من داگری چاوت بە گەشی هەڵدێنی تاکوو ئەستێرە مژۆڵی دەلەرێ، ڕووناکە
Ta dilî ême le sayey hunerê rûnake Şewî awatî hemû xem le berê rûnake Weşewarey dekewê çawî zeman zor bê nûr Ta jyan pir le şewe û çermeserê, rûnake Takû baxî gulehîwaye hebê û tînû bê Çawî esrînî hemû derbederê rûnake Besye reşbînî temî xem le dilit derbawê Kanî firmêskî le qur dêtederê, rûnake Denke barane le nêw rohî reşî hewraye Boxemî pîrezewî dadewerê, rûnake Xor ke bomaçî zewî danegerê naşliwê Maçî estêre bika her le serê, rûnake Mangî rût cûte le bin dû pele hewrî reşda Be nîgay xorî me heryek le berê rûnake Çaw le min dagrî çawit be geşî heldênî Takû estêre mijolî delerê, rûnake