ئەمین گەردیگلانی
بەڕێوەم و دەگەڕێم تا سنووری ئەم خاکە لە چاوم ھەڵدەوەرێ ئەسری سووری ئەم خاکە لە ناخم ھەڵدەقوڵێ زایەڵەی بە تینی شاخ دڵم بووە بە ھەناوی تەنووری ئەم خاکە خەزەڵوەرێنە نیگای باخ و، گوڵ وەری پەلکی ژەنینی دارە لە سەر نۆتی شووری ئەم خاکە لەگەڵ ھەنیسکی گوڵ و کانیی دڵ بە خەم، گریان چڕینی باخە بە قوڕگی تەمووری ئەم خاکە گلارە شەونمی سەر پەلکی گوڵ لە قوڕ وەربوون لە دووکەڵا ونە کوڵمەی بلووری ئەم خاکە بە قیژەقیژ و زریکەی گوڵووک و وردەچرۆ چیا دڵی بە گڕە و بۆتە «توور»ی ئەم خاکە لە دووریی تیشکە، غەور گرتی چاوی ئاوێنە وەریوە باڵی شنەی سەوز و سووری ئەم خاکە وەنەوشە سەر بە ھەشە و خۆ دەڕنن گوڵباخی بەقەد خودایە، خودایە سەبووری ئەم خاکە
Berêwem û degerêm ta sinûrî em xake Le çawim heldewerê esrî sûrî em xake Le naxim heldequlê zayeley be tînî şax Dilim buwe be henawî tenûrî em xake Xezelwerêne nîgay bax û, gul werî pelkî Jenînî dare le ser notî şûrî em xake Legel henîskî gul û kanîy dil be xem, giryan Çirînî baxe be qurgî temûrî em xake Gilare şewnimî ser pelkî gul le qur werbûn Le dûkela wine kulmey bilûrî em xake Be qîjeqîj û zirîkey gulûk û wirdeçro Çya dilî be gire û bote «tûr»y em xake Le dûrîy tîşke, xewr girtî çawî awêne Werîwe balî şiney sewz û sûrî em xake Wenewşe ser be heşe û xo dernin gulbaxî Beqed xudaye, xudaye sebûrî em xake