ئەمین گەردیگلانی
من لە فرمێسکی وەریوی نیوەشەو تەنیاترم هەرچی تەنیایی لە دنیادایە لەو تەنیاترم بێ تریفە و سارد و لاوازم لە سەر هەڵدێری شەو من لە کاتی خۆرنشینی مانگی نەو تەنیاترم هێند لە سووچی کۆنەگیرفانی ژیانا مامەوە زۆر لە پووڵێکی دڕاوی بێ برەو تەنیاترم دڵڕەشی چنگی لە قوڕگم ناوە دەنگیش هەڵبڕم وام لە توولەی وشکی سەردەمدا، لە کەو تەنیاترم وشکەباوەڕ گرتی وەک ژەنگ و کەڕوو مێشکی زەمان بۆیە ئەمڕۆ من لە مردووی گۆڕی خەو تەنیاترم ئەشقی ئەم شاخانە بوو ڕیشەی پتەو کردم، دەنا من لە پووشی بەر دەمی با بێ وزە و تەنیاترم
Min le firmêskî werîwî nîweşew tenyatirim Herçî tenyayî le dinyadaye lew tenyatirim Bê tirîfe û sard û lawazim le ser heldêrî şew Min le katî xorinşînî mangî new tenyatirim Hênd le sûçî konegîrfanî jyana mamewe Zor le pûlêkî dirawî bê birew tenyatirim Dilreşî çingî le qurgim nawe dengîş helbirim Wam le tûley wişkî serdemda, le kew tenyatirim Wişkebawer girtî wek jeng û kerû mêşkî zeman Boye emro min le mirdûy gorî xew tenyatirim Eşqî em şaxane bû rîşey pitew kirdim, dena Min le pûşî ber demî ba bê wize û tenyatirim