چۆپی فەتاح
توخوا بەسە گوێ ناگرم لەم قسانەی هەر وەکوو بەرد دەیشکێنی دڵی شووشەم ژینت کردم بە ئاه و دەرد توخوا بەسە گوێ ناگرم لە تۆی بێ هەست تۆی پڕ مەبەست دیارە هەرگیز تۆ ناگۆڕێی بۆیە پەنجەی عەشقی خۆم گەست تۆ ڕووخاندت ورەی عەشقم بە ڕەشەبای وشەکانت بریندار بوو دڵم زۆر جار بە دەستی تۆ و خەمەکانت تۆ شکاندت غرووری من، منێک بە دڵ خۆشم ویستی سادەیی من وای لە تۆ کرد هەر ڕۆژ چیرۆکێ هەڵبەستی ئیتر نە، ئیتر نە، گوێ ناگرم گوێ ناگرم، گوێ ناگرم ئیتر بەسە گوێ ناگرم بەم قسانە چاک بزانە جارێک ئەژیم سەد جار ئەمرم گوێ ناگرم کە دەتبینم لە ڕوخسارت پەشیمانیت پێوە دیارە پەشیمانی لە عەشقی من، زۆر گلەییت لە ڕۆژگارە بۆیە دەمێکە ماندوو بووی لە لات سەختە ئەم ڕێگایە بەڵام دڵت بە ناچاری لە ژێر حوکمی ویژداندایە ئیتر نە، ئیتر نە، گوێ ناگرم گوێ ناگرم، گوێ ناگرم ئیتر بەسە گوێ ناگرم بەم قسانە چاک بزانە جارێک ئەژیم سەد جار ئەمرم گوێ ناگرم من ئەزانم بەزەییت دێ بە حاڵی منی دێوانە دەنا لای تۆ خواحافیزی وشەیێکی زۆر ئاسانە ئیتر نە، نە، نە گوێ ناگرم
Tuxwa bese gwê nagirim lem qisaney her wekû berd Deyşkênî dilî şûşem jînit kirdim be ah û derd Tuxwa bese gwê nagirim le toy bê hest toy pir mebest Dyare hergîz to nagorêy boye pencey ’eşqî xom gest To rûxandit wirey ’eşqim be reşebay wişekanit Birîndar bû dilim zor car be destî to û xemekanit To şikandit xirûrî min, minêk be dil xoşim wîstî Sadeyî min way le to kird her roj çîrokê helbestî Îtir ne, îtir ne, gwê nagirim Gwê nagirim, gwê nagirim Îtir bese gwê nagirim Bem qisane çak bizane carêk ejîm sed car emirim Gwê nagirim Ke detbînim le ruxsarit peşîmanît pêwe dyare Peşîmanî le ’eşqî min, zor gileyît le rojgare Boye demêke mandû bûy le lat sexte em rêgaye Belam dilit be naçarî le jêr hukmî wîjdandaye Îtir ne, îtir ne, gwê nagirim Gwê nagirim, gwê nagirim Îtir bese gwê nagirim Bem qisane çak bizane carêk ejîm sed car emirim Gwê nagirim Min ezanim bezeyît dê be halî minî dêwane Dena lay to xwahafîzî wişeyêkî zor asane Îtir ne, ne, ne Gwê nagirim