بەرهەم حەسەن
ئەمشەو نیگات تارماییە لە ژوور سەرم سەما ئەکا دڵم دەروێشی تەکیەتە لە خانەقا دوعا ئەکا خەفەت مەخۆ زەمەنێکە لە یەکی دوور کردینەوە ڕۆژێ دادێ وەکوو جاران بە یەکتر شاد ببینەوە کەس شک نابم بێجگەلە تۆ لەم شارەدا بملاوێنێ ماڵی تەنیاییم خامۆشە وا خەریکە هەرەس دێنێ هەرچەن ئەکەم دەنگێ نییە سەبووری بێ بۆ گشت گیانم گۆچانێ بێ بۆ ماندوێتیم دەستم بگرێ بۆ هەڵسانم لەو ڕۆژەوەی کە ئاشنات بووم هەر ناوی تۆم لەسەر دەمە خوا ئەزانێ حەزی ئێمە وەک عەشقەکەی وەلی و شەمە کەس شک نابم بێجگەلە تۆ لەم شارەدا بملاوێنێ ماڵی تەنیاییم خامۆشە وا خەریکە هەرەس دێنێ با پێکەوە لەم ژینەدا تروسکەی حەز و هیوا بین بۆ یەک بژین بۆ یەک بمرین هەڵگری ئاڵای وەفا بین ئەوسا ژیان بەهەشتێکە من و تۆ تیایە ساوا بین لە ئامێزی یەکتریدا تا دنیا مابێ پیر نابین کەس شک نابم بێجگەلە تۆ لەم شارەدا بملاوێنێ ماڵی تەنیاییم خامۆشە وا خەریکە هەرەس دێنێ وەرە گیانە بە کامێرای ئەو ڕوخسارە کش و ماتەت وێنەی ڕەنگی زەردم بگرە، بگرە لە ئەلبومە شێواوەکەی پەڕەی دڵدا بۆ ئەبەدی هەڵی بگرە گیانە من کەشکۆڵی غوربەتم لە شانە و ئەم وەسیەتەت پێ ئەسپێرم نەک گەڵاڕێزانی تەمەن بێت و ئیتر نەتوانم لە دووریشەوە نامەیەکت بۆ بنێرم
Emşew nîgat tarmayye le jûr serim sema eka Dilim derwêşî tekyete le xaneqa du’a eka Xefet mexo zemenêke le yekî dûr kirdînewe Rojê dadê wekû caran be yektir şad bibînewe Kes şik nabim bêcgele to lem şareda bimlawênê Malî tenyayîm xamoşe wa xerîke heres dênê Herçen ekem dengê nîye sebûrî bê bo gişt gyanim Goçanê bê bo mandiwêtîm destim bigrê bo helsanim Lew rojewey ke aşnat bûm her nawî tom leser deme Xwa ezanê hezî ême wek ’eşqekey welî û şeme Kes şik nabim bêcgele to lem şareda bimlawênê Malî tenyayîm xamoşe wa xerîke heres dênê Ba pêkewe lem jîneda tiruskey hez û hîwa bîn Bo yek bijîn bo yek bimrîn helgirî alay wefa bîn Ewsa jyan beheştêke min û to tyaye sawa bîn Le amêzî yektirîda ta dinya mabê pîr nabîn Kes şik nabim bêcgele to lem şareda bimlawênê Malî tenyayîm xamoşe wa xerîke heres dênê Were gyane be kamêray ew ruxsare kiş û matet Wêney rengî zerdim bigre, bigre Le elbume şêwawekey perey dilda bo ebedî helî bigre Gyane min keşkolî xurbetim le şane û em wesyetet pê espêrim Nek gelarêzanî temen bêt û îtir netwanim le dûrîşewe nameyekit bo binêrim