عەلی گلێنانی
ئیبراهیم قادری
لەو دەمەیدا پیاڵە دەدرێن لە پیاڵە لەو دەمەیدا لێوتان بەبادە ئاڵە لەو دەمەیدا... لەو دەمەیدا کۆڕی* ڕەشبەڵەک گەرمە لەو دەمەیدا دەکوشن کام پەنجە نەرمە لەو دەمەیدا... لەو دەمەیدا کە دەگرن باز و دەروان لەو دەمەیدا دەس دەگێڕن لە بەروان لەو دەمەیدا... لەو دەمەیدا دەس لە بەژنان وەردێنن لەو دەمەیدا بەرکۆژە دەترازێنن لەو دەمەیدا... لەو دەمەیدا کۆڕی* ڕەشبەڵەک گەرمە لەو دەمەیدا دەکوشن کام پەنجە نەرمە لەو دەمەیدا... لەو دەمەیدا دۆ دەکەونە خۆڕانان لەو دەمەیدا کە دەکوشن گوڵمە* ڕانان لەو دەمەیدا... لەو دەمەیدا تامەزرۆن لە جێژوانان لەو دەمەیدا بەخۆوە دەکوشن جوانان لەو دەمەیدا... لەو دەمەیدا گڕ دەگرن* مەیل و تاسە لەو دەمەیدا تێک هەڵدەنگون هەناسە لەو دەمەیدا... لەو دەمەیدا کە دەمژن شەکرە لێوان لەو دەمەیدا نەبێ لەمپەر و نێوان لەو دەمەیدا... لەو دەمەیدا پۆلی بێریان ڕادەبرن لەو دەمەیدا کیژ چاوتان لێ دادەگرن یادم بکەن، یادی منی دوورەوڵات* یادی منی ڕێبواری ڕێگای نەجات* یادی منی بێ بەش لە خۆشی و شادی یادی منی سەوداسەری ئازادی لەو دەمەیدا... لەو دەمەیدا گوێ هەڵدەخەن بۆ تارێ لەو دەمەیدا 'قادری'* دەڵێ قەتارێ
Lew demeyda pyale dedrên le pyale Lew demeyda lêwtan bebade ale Lew demeyda... Lew demeyda korî* reşbelek germe Lew demeyda dekuşin kam pence nerme Lew demeyda... Lew demeyda ke degirin baz û derwan Lew demeyda des degêrn le berwan Lew demeyda... Lew demeyda des le bejnan werdênin Lew demeyda berkoje detrazênin Lew demeyda... Lew demeyda korî* reşbelek germe Lew demeyda dekuşin kam pence nerme Lew demeyda... Lew demeyda do dekewne xoranan Lew demeyda ke dekuşin gulme* ranan Lew demeyda... Lew demeyda tamezron le cêjwanan Lew demeyda bexowe dekuşin cwanan Lew demeyda... Lew demeyda gir degirin* meyl û tase Lew demeyda têk heldengun henase Lew demeyda... Lew demeyda ke demjin şekire lêwan Lew demeyda nebê lemper û nêwan Lew demeyda... Lew demeyda polî bêryan radebirin Lew demeyda kîj çawtan lê dadegirin Yadim biken, yadî minî dûrewlat* Yadî minî rêbwarî rêgay necat* Yadî minî bê beş le xoşî û şadî Yadî minî sewdaserî azadî Lew demeyda... Lew demeyda gwê heldexen bo tarê Lew demeyda 'qadrî'* delê qetarê