لادە

حەسەن زیرەک حەسەن زیرەک
ئەلبۆم: ڕادیۆ کرماشان شێوەزار: سۆرانی 1302
داگرتن 
ئەی کیژی لادێ و بانە و دارستان
بانە و دارستان ئەی هاوار بانە و دارستان
کاسپی تۆم ساڵێ مازووە و گەڵوان
ئەی کەرکیت و گەڵوان
ئەی لادە ئۆف لادە دەی لادە برام لادە
هەی لادە لادە لادە ڕووبەند پەشمینە
ڕووبەند پەشمینە ئەی هاوار خوێنت شیرینە

ئەی کیژی لادێی محاڵی مەنگوڕ
محاڵی مەنگوڕ ئەی هاوار محاڵی مەنگوڕ
بۆ تۆ نەماوم شۆخی جگەربڕ
شۆخی جگەربڕ ئەی هاوار شۆخی گورچوبڕ
دەی لادە ئۆف لادە دەی لادە دەی لادە
ئەی لادە لادە لادە ئەرێ ڕووبەند پەشمینە
ڕووبەند پەشمینە ئەی هاوار خوێنت شیرینە

کیژە کوردەکەی محاڵی شاروێران
محاڵی شاروێران ئەی هاوار محاڵی شاروێران
بۆچی دەتبینم دایمە تۆ چاو بە گریان
تۆ چاو بە گریان ئەی هاوار تۆ چاو بە گریان
ئەرێ لادە ئۆف لادە ئەرێ لادە بۆم لادە
ئەرێ لادە لادە لادە ڕووبەند پەشمینە
ڕووبەند پەشمینە دە وەرە دەی خوێنت شیرینە 

کچە کوردەکەی محاڵی بەگزادە
محاڵی بەگزادە ئەی هاوار محاڵی بەگزادە
من بۆ تۆ مردووم ڕووبەندت لادە ئەی هاوار
ڕووبەندت لادە گیانە ڕووبەندت لادە
ئەرێ لادە ئۆف لادە دەی لادە گیان لادە
ئەرێ لادە لادە لادە ڕووبەند پەشمینە
شێوەت شیرینە ئەی هاوار شێوەت شیرینە 

لەو ڕۆژەوە ڕۆیشتووە تۆراوە دڵی من
هەرچەند ئەگەڕێم بێ سەر و بێ شوێن
هەرچەند ئەگەڕێم بێ سەر و شوێن ماوە دڵی من
ئەی هاوار ئەی هاوار
ئاخۆ بە چ شاخێکەوە گیرساوە دڵی من
یاخوا بە چ داخێکەوە سووتاوە دڵی من
ئەی ئامان ئامان ئامان ئامان... گیان

کیژە کوردەکە بۆچی داماوی
بۆچی داماوی ئەی هاوار بۆچی داماوی
بە داوی گەردوون گیرۆدە ماوی
زەرد هەڵگەڕاوی زەرد هەڵگەڕاوی
ئۆف لادە دەی لادە ئاخ لادە بۆم لادە
ئەرێ لادە لادە لادە ڕووبەند پەشمینە
ڕووبەند پەشمینە ئەی هاوار خوێنت شیرینە 

کیژە کوردەکەی محاڵی دێبوکری
محاڵی دێبوکری ئەی هاوار محاڵی دێبوکری
بۆچی داماوی بۆچی تۆ دەگری
لەبەر چی دەگری ئەی هاوار بۆچی تۆ دەگری
ئەرێ لادە ئۆف لادە دەی لادە برام لادە
ئەرێ لادە لادە لادە ڕووبەندت جوانە
ڕووبەند جوانە ئەی هاوار کچ کوردستانە

کیژە کوردەکەی دەوری شاماتی
دەوەری شاماتی ئەی هاوار دەوری شاماتی
لە قەند شیرینتر دەڵێی نەباتی
پێم بڵێ بۆ ماتی ئەی هاوار پێم بڵێ بۆ ماتی
ئەرێ لادە ئۆف لادە دەی لادە بۆم لادە
ئەرێ لادە لادە لادە ڕووبەندت سوورە
قەدت بلوورە ئەی هاوار سپییە کافوورە

کیژە کوردەکەی محاڵی مامەشی
محاڵی مامەشی ئەی هاوار محاڵی مامەشی
توخودا پێم بڵی بۆچ هێندە بۆنخۆشی
هێندە بۆنخۆشی ئەی هاوار هێندە بۆنخۆشی
ئەرێ لادە ئۆف لادە دەی لادە بۆم لادە
ئەرێ لایدە لادە لادە ڕووبەند پەشمینە
شێوەت شیرینە شێوەت شیرینە
ئەی هاوار شێوەت شیرینە
هۆنراوەی مەقام: بێخود

گەڵوان: بەرێکی دار مازووە.
محاڵ: ناوچە، کۆمەڵە ئاواییەک لە سەرزەمینێکدا کە سەر بە یەکترین. وەک ئەو محاڵانەی خوارەوە:
محاڵی شاروێران: ناوچەیەکە لە باکووری شاری مەهاباد.
محاڵی شازدە: ناوچەیەکە لە نێوان چۆمی مەجیدخان و شامات لە موکریان.
محاڵی شامات: ناوچەیەکە لە نێوان میاندواو و مەهاباد.
محاڵی دێموکری: دێبوکری هۆزێکی کوردن و ناوچەیەکە لە رۆژهەڵات و باکووری بۆکان.
محاڵی مەنگوڕ: مەنگوڕ عەشیرەتێکی کوردن، ناوچەیەکە لە مەهاباد.
گورچووبڕ: برێتی لە زەبری قورس و کاریگەر.
مامەش: هۆزێکن لە باکووری پیرانشار و دەشتی لاجان نیشتەجێن.
سەرچاوە: فەرهەنگی گۆرانییەکانی زیرەک – دارا بێخەم.

کەرکیت: کەرەستەیەکی ئاسنینە وەک شانە دەچێ  بۆ پتەوکردنی تانوپۆی فەڕش یا مافوور لە  تەونکردندا فەڕشی پێ دەکوتن (سەرچاوە: م. حەسەنپوور).
Ey kîjî ladê û bane û daristan
Bane û daristan ey hawar bane û daristan
Kaspî tom salê mazuwe û gelwan
ey kerkît û gelwan
Ey lade of lade dey lade biram lade
Hey lade lade lade rûbend peşmîne
Rûbend peşmîne ey hawar xwênit şîrîne

Ey kîjî ladêy mihalî mengur
Mihalî mengur ey hawar mihalî mengur
Bo to nemawim şoxî cigerbir
Şoxî cigerbir ey hawar şoxî gurçubir
Dey lade of lade dey lade dey lade
Ey lade lade lade erê rûbend peşmîne
Rûbend peşmîne ey hawar xwênit şîrîne

Kîje kurdekey mihalî şarwêran
Mihalî şarwêran ey hawar mihalî şarwêran
Boçî detbînim dayme to çaw be giryan
To çaw be giryan ey hawar to çaw be giryan
Erê lade of lade erê lade bom lade
Erê lade lade lade rûbend peşmîne
Rûbend peşmîne de were dey xwênit şîrîne 

Kiçe kurdekey mihalî begzade
Mihalî begzade ey hawar mihalî begzade
Min bo to mirdûm rûbendit lade ey hawar
Rûbendit lade gyane rûbendit lade
Erê lade of lade dey lade gyan lade
Erê lade lade lade rûbend peşmîne
Şêwet şîrîne ey hawar şêwet şîrîne 

Lew rojewe royştuwe torawe dilî min
Herçend egerêm bê ser û bê şwên
Herçend egerêm bê ser û şwên mawe dilî min
Ey hawar ey hawar
Axo be çi şaxêkewe gîrsawe dilî min
Yaxwa be çi daxêkewe sûtawe dilî min
Ey aman aman aman aman... gyan

Kîje kurdeke boçî damawî
Boçî damawî ey hawar boçî damawî
Be dawî gerdûn gîrode mawî
Zerd helgerawî zerd helgerawî
Of lade dey lade ax lade bom lade
Erê lade lade lade rûbend peşmîne
Rûbend peşmîne ey hawar xwênit şîrîne 

Kîje kurdekey mihalî dêbukirî
Mihalî dêbukirî ey hawar mihalî dêbukirî
Boçî damawî boçî to degrî
Leber çî degrî ey hawar boçî to degrî
Erê lade of lade dey lade biram lade
Erê lade lade lade rûbendit cwane
Rûbend cwane ey hawar kiç kurdistane

Kîje kurdekey dewrî şamatî
Dewerî şamatî ey hawar dewrî şamatî
Le qend şîrîntir delêy nebatî
Pêm bilê bo matî ey hawar pêm bilê bo matî
Erê lade of lade dey lade bom lade
Erê lade lade lade rûbendit sûre
Qedit bilûre ey hawar sipîye kafûre

Kîje kurdekey mihalî mameşî
Mihalî mameşî ey hawar mihalî mameşî
Tuxuda pêm bilî boç hênde bonxoşî
Hênde bonxoşî ey hawar hênde bonxoşî
Erê lade of lade dey lade bom lade
Erê layde lade lade rûbend peşmîne
Şêwet şîrîne şêwet şîrîne
Ey hawar şêwet şîrîne
Honrawey meqam: bêxud

Gelwan: berêkî dar mazuwe.
Mihal: nawçe, komele awayyek le serzemînêkda ke ser be yektirîn. wek ew mihalaney xwarewe:
Mihalî şarwêran: nawçeyeke le bakûrî şarî mehabad.
Mihalî şazde: nawçeyeke le nêwan çomî mecîdxan û şamat le mukiryan.
Mihalî şamat: nawçeyeke le nêwan myandiwaw û mehabad.
Mihalî dêmukirî: dêbukirî hozêkî kurdin û nawçeyeke le rojhelat û bakûrî bokan.
Mihalî mengur: mengur ’eşîretêkî kurdin, nawçeyeke le mehabad.
Gurçûbir: birêtî le zebrî qurs û karîger.
Mameş: hozêkin le bakûrî pîranşar û deştî lacan nîştecên.
Serçawe: ferhengî goranîyekanî zîrek – dara bêxem.

Kerkît: keresteyekî asnîne wek şane deçê bo pitewkirdinî tanupoy ferş ya mafûr le tewnkirdnida ferşî pê dekutin (serçawe: m. hesenpûr).

ڕاپۆرتی هەڵە