هاتمە خانەقای چاوت
تەریقەتی عەشق فێر بم
بوومە سۆفی لێوانت
چاوێکم لێ هەڵبێنە
زکری سەر زارم هەر تۆی
شیر لە دڵ ئەوەشێنم
بە دەستی موبارەکت
شیری دڵم دەربێنە
بە ڕۆژ کۆتری حەزم
بەدوای هێلانە وێڵە
سینەتی دۆزییەوە
ماندووە مەیفڕێنە
گەر *؟ بە باغی سینەتا گوزەر بکەم
دڵ ئەکەمە دیلی دەستت لەجێی دەف ڕایوەشێنە
دەروێشێکی بێپەنام و سوجدە بۆ ڕۆحت دەبەم
دنیای فانی هیچی نەماوە تۆ شەعری عەشق بخوێنە
شەوانیش خەم میوانمە
پێم ئەڵێ جێم مەهێڵە
با تەنیا ساتێکیش بێ
بێشکەی مێوان ڕاژێنە
هاتمە خانەقای چاوت
تەریقەتی عەشق فێر بم
بووم بە سۆفی لێوانت
چاوێکم لێ هەڵبێنە
بووم بە سۆفی لێوانت
چاوێکم لێ هەڵبێنە
Hatme xaneqay çawit
Terîqetî ’eşq fêr bim
Bûme sofî lêwanit
Çawêkim lê helbêne
Zikirî ser zarim her toy
Şîr le dil eweşênim
Be destî mubarekit
Şîrî dilim derbêne
Be roj kotrî hezim
Bedway hêlane wêle
Sînetî dozîyewe
Manduwe meyfirêne
Şewanîş xem mîwanme
Pêm elê cêm mehêle
Ba tenya satêkîş bê
Bêşkey mêwan rajêne
Hatme xaneqay çawit
Terîqetî ’eşq fêr bim
Bûm be sofî lêwanit
Çawêkim lê helbêne
Bûm be sofî lêwanit
Çawêkim lê helbêne
شاخەوان هەڵەبجەیی