مریەم خانەساز
بە بەرگی سەوز ڕازاوە قەد و لاپاڵ و شێو* و دۆڵ چرۆی دەرکردووە دار و ملی دا یەکتری گیاوگۆڵ بەسەر بەفری کەویدا کرد شەماڵی خاکەلێوە خۆڵ ڕەفیقان ڕۆژی کوردانە بەهارە جەژنی نەورۆزە بەدڵ لێتان دەکەم لەو ڕۆژەدا من جەژنە پیرۆزە بە سۆزەی بای بەیان لێوی کراوە خونچەیی خەندان لەسەر چڵ بولبولی شەیدا لە خۆشی گوڵ دەڵێ بەندان بەجێ هات ئارەزووی لاوان و گەرمە کۆڕی گۆوەندان ڕەفیقان ڕۆژی کوردانە بەهارە جەژنی نەورۆزە بەدڵ لێتان دەکەم لەو ڕۆژەدا من جەژنە پیرۆزە لە خۆی داوە بەرەڵبێنە کچی کابانی گەردن کێل بە ناز و غەمزە دەڕوانێ، دەکا شینکەی نەرم پێشێل لەگەڵ بۆنی وەنەوشە تێکەڵاون بۆنی عەتر و هێل ڕەفیقان ڕۆژی کوردانە بەهارە جەژنی نەورۆزە بەدڵ لێتان دەکەم لەو ڕۆژەدا من جەژنە پیرۆزە
Be bergî sewz razawe qed û lapal û şêw* û dol Çiroy derkirduwe dar û milî da yektirî gyawgol Beser befrî kewîda kird şemalî xakelêwe xol Refîqan rojî kurdane behare cejnî newroze Bedil lêtan dekem lew rojeda min cejne pîroze Be sozey bay beyan lêwî kirawe xunçeyî xendan Leser çil bulbulî şeyda le xoşî gul delê bendan Becê hat arezûy lawan û germe korî gowendan Refîqan rojî kurdane behare cejnî newroze Bedil lêtan dekem lew rojeda min cejne pîroze Le xoy dawe berelbêne kiçî kabanî gerdin kêl Be naz û xemze derwanê, deka şînkey nerim pêşêl Legel bonî wenewşe têkelawin bonî ’etir û hêl Refîqan rojî kurdane behare cejnî newroze Bedil lêtan dekem lew rojeda min cejne pîroze