سەید ئیبراهیم سەقزی
سزای هەر سەربڕینە موو لە حەددی خۆی کە تێپەڕ کا هەقی پاچینە دارێ بۆ نەمامێ تر کە سێبەر کا سنووری خۆی ئەپارێزن، بە ڕێزن، بێخەمن، شادن برۆ و برژانگ دەبینی وا لە تیغ و قەیچی ئازادن خاسەکەوێک لەو کەلە* هەڵنیشتووە خاڵی ڕەش و سووری بە جووت ڕشتووە ڕاوچی هەمووی لەو کەوە دەرکەوتووە بۆچی دزە؟ جەردەیە؟ کێی کوشتووە؟ کێیە کەسێک* ئەو لە ژیان خستووە؟ ماڵ و مەڕ و زێوەری کێی بردووە؟ باعیسی قەتڵی چی؟* بیستوویەتی باعیسی قەتڵە چی؟* بیستوویەتی ژینی بە سەربەستوویە*، ویستوویەتی ئاخر داوی چەقاند تاوەکوو کەو* پێوەبێ چاڵکەن بۆخۆی پێوە دەبێ، جێ بە جێ چاکە کە داودۆزە شوکور خاسەکەو وریایە، ئەو دیویە* بە ڕۆژ و بە شەو بۆچی کەویش مافی ژیانی نییە؟ حەققی کەژ و کێوی جوانی نییە؟ خاوەنی ئەو کێو و کەژە هەر کەوە نەزم و نیزامی کەژ و کێو هەر بەوە لێی گەڕێن با باڵ و پەڕی جوان بکا لەو کەلە با بانگی ڕەفیقان بکا بێنەوە کانیاو، با بخۆن ئاوی ساف بۆ گوڕەیێک سەریان* بێنە مەساف لێی گەڕێن دەندووکی بە بەرد تیژ بکا گوڕڕە بکا و بانگی کوڕ و کیژ بکا خاوەنی ئەو کێو و کەژە هەر کەوە نەزم و نیزامی کەژ و کێو هەر بەوە خاوەنی ئەم خاسەکەوەش هەر دەڵێ: ڕاوچی دەبێ لەم کەژ و کێوە هەڵێ
Sizay her serbirîne mû le heddî xoy ke têper ka Heqî paçîne darê bo nemamê tir ke sêber ka Sinûrî xoy eparêzin, be rêzin, bêxemin, şadin Biro û birjang debînî wa le tîx û qeyçî azadin Xasekewêk lew kele* helnîştuwe Xalî reş û sûrî be cût riştuwe Rawçî hemûy lew kewe derkewtuwe Boçî dize? cerdeye? kêy kuştuwe? Kêye kesêk* ew le jyan xistuwe? Mal û mer û zêwerî kêy birduwe? Ba’îsî qetlî çî?* bîstûyetî Ba’îsî qetle çî?* bîstûyetî Jînî be serbestûye*, wîstûyetî Axir dawî çeqand tawekû kew* pêwebê Çalken boxoy pêwe debê, cê be cê Çake ke dawdoze şukur xasekew Wiryaye, ew dîwye* be roj û be şew Boçî kewîş mafî jyanî nîye? Heqqî kej û kêwî cwanî nîye? Xawenî ew kêw û keje her kewe Nezim û nîzamî kej û kêw her bewe Lêy gerên ba bal û perî cwan bika Lew kele ba bangî refîqan bika Bênewe kanyaw, ba bixon awî saf Bo gureyêk seryan* bêne mesaf Lêy gerên dendûkî be berd tîj bika Gurre bika û bangî kur û kîj bika Xawenî ew kêw û keje her kewe Nezim û nîzamî kej û kêw her bewe Xawenî em xasekeweş her delê: Rawçî debê lem kej û kêwe helê