قادر دیلان
ئەژدەهاک! زیندانت قەڵاقەڵایە دیواری کۆنکرێت، دەرگای پۆڵایە ئەژدەهاک! کون بڕە، سەختە زیندانت ناڕووشێ بە بڕبەن بەندی گرانت! دڵڕەقیت هەر تاوە چەشنە سزایە بۆ بەندیی خاوەن هۆش دێنێتە* کایە ئەژدەهاک! ئەی دێوی لە «بیر» زراوچوو ئەی ناشتای مارانت بە مێشک کردوو! ئەو مێشک تازانەی زنجیرت کردوون لە لێوی پێچاڵی مەرگا ڕاتگرتوون چاوەڕیێ فەرمانن لە* ڕێی نەهاتا ببرێنە بەر تەناف لە نۆرە و کاتا مێشکیان، ئامانجیان، هیوا و تاسەیان لە پەتا بتاسێ وەک هەناسەیان! بەڵام تۆ، ئەژدەهاک! لە هەڵپەی خۆراک ناتوانی بکەوی بۆ ماری ناپاک هەر ئەگری، ئەکوژی، ئەدەی لە گەردن مێشک دەرخوارد ئەدەی بە ماری نەوسن تا ڕۆژێک ئەبێ ئەو خوێنەی بە ناحەق ڕشتت ئەو بیرەی وات زانی ئێجگاری کوشتت تاو ئەدەن دەماری تەنووری کاوە* ئەو چەکوشوەشێنەی ڕۆڵە کوژراوە ئەخرۆشێ و ئەجۆشێ و کۆمەڵ یەک ئەخا هەر هەڵسا و ئەبینی زیندانت ڕووخا!
Ejdehak! zîndanit qelaqelaye Dîwarî konkirêt, dergay polaye Ejdehak! kun bire, sexte zîndanit Narûşê be birben bendî giranit! Dilreqît her tawe çeşne sizaye Bo bendîy xawen hoş dênête* kaye Ejdehak! ey dêwî le «bîr» zirawçû Ey naştay maranit be mêşk kirdû! Ew mêşk tazaney zincîrit kirdûn Le lêwî pêçalî merga ratgirtûn Çaweryê fermanin le* rêy nehata Bibrêne ber tenaf le nore û kata Mêşkyan, amancyan, hîwa û taseyan Le peta bitasê wek henaseyan! Belam to, ejdehak! le helpey xorak Natwanî bikewî bo marî napak Her egrî, ekujî, edey le gerdin Mêşk derxiward edey be marî newsin Ta rojêk ebê ew xwêney be naheq riştit Ew bîrey wat zanî êcgarî kuştit Taw eden demarî tenûrî kawe* Ew çekuşweşêney role kujrawe Exroşê û ecoşê û komel yek exa Her helsa û ebînî zîndanit rûxa!