سەعدوڵا نەسیری
خۆشەویستی من! چۆن بەرایی دا چاوەکانت وا ببینێ من بە تەنیایی؟ خۆ دڵی من کۆتری بن گوێسوانەی چاوەکەی تۆ بوو! نەتئەزانی من بە بێ تۆ، ڕۆحی نەسرەوتم؟ وەک گوڵی نێو شۆرەکاتی وەرزی بێ باران زڕ دەژاکێ، سیس دەبێ، دەمرێ! سەد مخابن! من ئەوینداری هەژار و تۆ لە خۆبایی ئێستە سەرگەردان وا دەپێوم کوێرەڕێی سەختی ژیانی تووش توێشە خاڵی، دەسبەتاڵ و قاڵبێکی بێ دڵ و هەستم! ئیتر ئەم تاڵاوە بادەش، ئۆقرە نابەخشێ! من تەژی دەردم نوقمی هاڵاوی خەیاڵم شاعیرێکی شەوگەڕی مەستم ڕەنگە نەمناسیتەوە ئەم جارە بمبینی بەفری وەرزی خەم دۆڵی دڵمی کردووە جێگەی ڕنووی ماتەم ون بووە سیمای زەمانی لاوەتیم تەنیا تاپۆیەک ماوە تاپۆیەکی نێو مژێکی خۆڵەمێشیی خەم! ڕەنگە چارەنووسی من وا بێ! وەک چلۆن تەنیا لە دایک بووم هەر بە تەنیاش ڕابوێرم ژین تازە ئاخر هەر بە تەنیایی سەر بنێمە باوەشی مەرگ و بایەقوش لە کاولاشی نێو دلی خۆمدا بۆم بخوێنێ سوورەتی یاسین خۆشەویستم! کاتێ من مردم قەت مەپرسە چۆن بەبێ تۆ ژینم تێپەڕ کرد! ژین نەبوو، هەر ساتە مەرگێ بوو!
Xoşewîstî min! Çon berayî da Çawekanit wa bibînê min be tenyayî? Xo dilî min Kotrî bin gwêswaney çawekey to bû! Netezanî min be bê to, Rohî nesrewtim? Wek gulî nêw şorekatî werzî bêbaran Zir dejakê, sîs debê, demrê! Sed mixabin! Min ewîndarî hejar û to le xobayî Êste sergerdan Wa depêwim kwêrerêy sextî jiyanî tûş Twêşe xalî, desbetal û qalbêkî bêdil û hestim! Îtir em talawe badeş, oqre nabexşê! Min tejî derdim Nuqmî halawî xeyalim Şaîrêkî şewgerî mestim Renge nemnasîtewe em care bimbînî Befrî werzî xem Dolî dilmî kirduwe cêgey rinûy matem Win buwe sîmay zemanî lawetîm Tenya tapoyek mawe Tapoyekî nêw mjêkî xolemêşîy xem! Renge çarenûsî min wa bê! Wek çilon tenya le dayk bûm Her be tenyaş rabwêrim jîn Taze axir her be tenyayî Ser binême baweşî merg û Bayequş le kawlaşî nêw dilî xomda Bom bixwênê sûretî yasîn Xoşewîstim! Katê min mirdim Qet mepirse Çon bebê to jînim têper kird! Jîn nebû, her sate mergê bû!