گیانە لە کەل دەرکەوتم
ئازیز بناسە دەنگم
گیانە تۆزی غەریبی
ئازیز نیشتووە لە ڕەنگم
شلێرە وای شلێرە
لە بەگزادەی هەولێرە
گیانە بەجێم مەهێڵە
هەر ئەمڕۆم ماوە لێرە
گیانە کەوتووەتە بەینمان
ئازیز حەو کەش و حەو کۆ
گیانە مەر شەماڵ بێنێ
ئازیز بۆی هەناسەی تۆ
شلێرە وای شلێرە
لە بەگزادەی هەولێرە
گیانە بەجێم مەهێڵە
هەر ئەمڕۆم ماوە لێرە
گیانە بەڵکوو مردنێ
ئازیز بێ بە میوانم
گیانە ئیتر نەوینم
ئازیز دووریی یارانم
شلێرە وای شلێرە
لە بەگزادەی هەولێرە
گیانە بەجێم مەهێڵە
هەر ئەمڕۆم ماوە لێرە