شاخی ڕەنگاوڕەنگی گۆیژە
باعیسی کەیف و سروور
هەردەمە بەرگێک دەپۆشن
گا سپی، گا سەوز و سوور
ڕەنگی سووریشت ئەڵێ
ئەم خاکە هەر خوێناوییە
گەلی کورد بێباک و ئازان
کوردن قەومێکن جەسوور
ڕەنگی سوورت شاهیدە بۆم
کورد کە قەومێکن جەسوور
ڕەنگی سەوزیشت ئەڵێ
ئەم خاکە هەر شینایییە
پڕ لە دەغڵ و دان و کانی
سەربەڕزق و پڕ لە نوور
ڕەنگی بێگەرد و سپیشت
دیارە وا هاوار دەکا
گەلی کورد دڵساف و پاکن
میللەتێکن بێ قسوور
نیشتمان شانازیت بۆ من
باعیسە مەدحت بکەم
دار و بەردت چەشنی گەوهەر
خاک و خۆڵت وەکوو بلوور