حسام لوڕنژاد
شەماڵ تۆ مەحرەمێ کوردەماڵانی ئیڵچی بی زەواڵ سووسەنخاڵانی دەسم داواند ئاخ شەماڵێ تنڕەو بادەگەی تنخیزێ سومای شەفەقشەو مودارام نەکەی ئاخ وە ڕووژ و وە شەو تا مەچی وە زێد داخ ماوای کیەنی کەو جەواهر ناویگ سنجاوی مەسەو ها لە توو لەباسێ کەتانێ عەرەو بیل وە سڵای خوەی هەڵسی لە خەو پەنجەی شمشاڵی بیلیدن وە چەو بوەسی سەروین پەشیویایێ شەو ئەرزەی عاجزی من بییە وە ئەو لە دار بەرز کەڵهوڕم بلوورژەنم ئاخ هوورەچڕم شیرەکوڕەی شیرەکوڕم هەسەڵ لە تاشێ بەرز بڕم گەزاف نییەم من من نییەکەم کیەنی کەسی لیخن نییەکەم پەڕاو دیرم سەرکەش دیرم شکارەوانم بەش دیرم بەدرە دیرم جەسان دیرم هەزار هەزار کەسان دیرم ئەڵوەن و خانەقین دیرم شاری قەسرێ شیرین دیرم سەرپێڵ و مەنەلی دیرم لە دڵ دونیا جی دیرم ئەیوان دیرم گوڵێن دیرم گیەڵانێ سەربڵند دیرم لە دار بەرز کەڵهوڕم بلوورژەنم ئاخ هوورەچڕم شیرەکوڕەی شیرەکوڕم هەسەڵ لە تاشێ بەرز بڕم گەزاف نییەم من من نییەکەم کیەنی کەسی لیخن نییەکەم
Şemal to mehremê kurdemalanî Îlçî bî zewal sûsenxalanî Desim dawand ax şemalê tinrew Badegey tinxîzê sumay şefeqşew Mudaram nekey ax we rûj û we şew Ta meçî we zêd dax maway kyenî kew Cewahir nawîg sincawî mesew Ha le tû lebasê ketanê ’erew Bîl we silay xwey helsî le xew Pencey şimşalî bîlîdin we çew Bwesî serwîn peşîwyayê şew Erzey ’aczî min bîye we ew Le dar berz kelhurim Bilûrjenim ax hûreçirim Şîrekurey şîrekurim Hesel le taşê berz birim Gezaf nîyem min min nîyekem Kyenî kesî lîxin nîyekem Peraw dîrim serkeş dîrim Şikarewanim beş dîrim Bedre dîrim cesan dîrim Hezar hezar kesan dîrim Elwen û xaneqîn dîrim Şarî qesrê şîrîn dîrim Serpêl û menelî dîrim Le dil dunya cî dîrim Eywan dîrim gulên dîrim Gyelanê serbilnid dîrim Le dar berz kelhurim Bilûrjenim ax hûreçirim Şîrekurey şîrekurim Hesel le taşê berz birim Gezaf nîyem min min nîyekem Kyenî kesî lîxin nîyekem