باست حەمەغەریب
ئەم پاییزە لەگەڵ خەزانی گەڵادا تنۆک تنۆک لە چاومەوە ڕۆح ئەوەرێ تۆ بڵێی کامە گەڵایان لە هەمووان مێهرەبانتر بێ و ئەم عەشقە تەڕ و ناکامەم وەک کەشتییەک لە باوەش کا و بەرەو ئەودیو بوونی بەرێ چەن ئاسوودەم بۆ چەندساتێ ساوای گیانم ئەخەوێنم لە سێبەری هەورێکی چاو بە باراندا گەڵای زەرد ئەبێتە نوێنم تەمەن ئەڕوا و بێ وەفایی هەست و خەیاڵ ئەکا بە بەرد لە ئاسۆیەکی بەهاری سەرسەوزدا ئەبێتە نەوای ڕۆحەکان پاییزی زەرد لە باخێکی چۆڵ و ساردا ئەسرین و خەم بێزار بوون و جێیان هێشتم تەنیا و تاساو درەختێکی چڵ ڕووتاوە بوو بە خەمم و هەناسەی ساردی بولبولێک لە چاوانمدا بوو بە ئاو هەموو ئەو بەستە شادانەی کە هەمیشە لە سەر زارمەوە هەڵئەفڕین ڕێیان چۆڵ کرد بۆ گۆرانییەکی غەمگین بێ ویستی خۆم وەک تافگەیەکی سەوداسەر وشە و پیتەکان بە لێوما ڕژانە خوار
Em payîze legel xezanî gelada tinok tinok le çawmewe roh ewerê To bilêy kame gelayan le hemuwan mêhrebantir bê û Em eşqe ter û nakamem wek keştîyek le baweş ka û berew ewdîw bûnî berê Çen asûdem bo çendsatê saway giyanim exewênim Le sêberî hewrêkî çaw be baranda gelay zerd ebête nwênim Temen erwa û bê wefayî hest û xeyal eka be berd Le asoyekî beharî sersewzda ebête neway rohekan payîzî zerd Le baxêkî çol û sarda esrîn û xem bêzar bûn û cêyan hêştim tenya û tasaw Dirextêkî çil rûtawe bû be xemim û henasey sardî bulbulêk le çawanimda bû be aw Hemû ew beste şadaney ke hemîşe le ser zarmewe helefirîn Rêyan çol kird bo goranîyekî xemgîn bê wîstî xom wek tafgeyekî sewdaser wişe û pîtekan be lêwma rijane xwar