حەمە جەزا
جەرگبڕاو و نائومێدم من لە دونیای دەربەدەر نیشتەجێی ماڵی تەنیام من وەک هەتیوی قوڕبەسەر کاتێ ڕۆیشتی بە ناز جەرگ و دڵمانت بڕی ئەو گوڵەی چەن ساڵ بە هیوا بووم بپشکوێ هەڵوەری چقڵ و پەیکوڵت چووەتە قاچم ئارەقی زۆرم سڕی کەوتمە دنیای نائومێدی کۆتری ژینم هەڵفڕی شیوەنە شینی فرمێسک و خوێنە بۆ دوا شەهیدی بێ سەروشوێنە شینم بۆ کوڕی بیست و یەک ساڵەم بۆ بێکەسی خۆم ئاه و ناڵەم چۆن بە کوڵ نەگریم نەلەرزێ چۆکم وێنەی پێنج شەهید بەن لە بەرۆکم لە تۆڵەیی وا قەوم و خێشانم تفەنگی کامتان ڕۆڵە بکەمە شانم کەسێ نابینم فرمێسک نەڕێژێ ئاسمان شین ئەکات ئیتر شین بۆ کێ ئەزیزم کۆرپەم کوڕی شیرینم چرای دواڕۆژ و ئاواتی ژینم گەلێکی ماندوو چاوەڕێمانە چرای بۆ هەڵکەین لەسەر ڕێمانە ئومێدم هەر تۆی دڵم مەشکێنە خاک و نیشتیمان، گەل مەدۆڕێنە جەرگبڕاو و نائومێدم من لە دونیای دەربەدەر نیشتەجێی ماڵی تەنیام من وەک هەتیوی قوڕبەسەر ناو دڵم تاریک و تەنگە کەوتمە ڕێگای پڕ خەتەر با لەگەڵ کاروانی لاوان کۆچ بکەم من بۆ سەفەر بووی بە قوربانی بەقوربان ڕۆحی خۆم قوربان ئەکەم گەر بگەم بە قۆچی تۆوە وا ئەڵێم سەیران ئەکەم دەرزیئاژن بێ دەروونم ئەشکی خۆم نیشان ئەدەم بۆ ئەوەی هەڵسی لە خەو گوڵ شیوەن و ڕۆڕۆ دەکەم ئاهی ناڵەم کاریگەر بوو وا دەسووتێ جەرگ و دڵ کوورەی ئاسنگەر ئەجۆشێ بۆیە فرمێسک دێتە کوڵ
Cergibraw û na’umêdim min le dunyay derbeder Nîştecêy malî tenyam min wek hetîwî qurbeser Katê royştî be naz cerg û dilmanit birî Ew guley çen sal be hîwa bûm bipşikiwê helwerî Çiqil û peykulit çuwete qaçim areqî zorim sirî Kewtime dinyay na’umêdî kotrî jînim helfirî Şîwene şînî firmêsk û xwêne Bo dwa şehîdî bê seruşwêne Şînim bo kurî bîst û yek salem Bo bêkesî xom ah û nalem Çon be kul negrîm nelerzê çokim Wêney pênc şehîd ben le berokim Le toleyî wa qewm û xêşanim Tifengî kamtan role bikeme şanim Kesê nabînim firmêsk nerêjê Asman şîn ekat îtir şîn bo kê Ezîzim korpem kurî şîrînim Çiray dwaroj û awatî jînim Gelêkî mandû çawerêmane Çiray bo helkeyn leser rêmane Umêdim her toy dilim meşkêne Xak û nîştîman, gel medorêne Cergibraw û na’umêdim min le dunyay derbeder Nîştecêy malî tenyam min wek hetîwî qurbeser Naw dilim tarîk û tenge kewtime rêgay pir xeter Ba legel karwanî lawan koç bikem min bo sefer Bûy be qurbanî bequrban rohî xom qurban ekem ger bigem be qoçî towe wa elêm seyran ekem Derzî’ajin bê derûnim eşkî xom nîşan edem Bo ewey helsî le xew gul şîwen û roro dekem Ahî nalem karîger bû wa desûtê cerg û dil Kûrey asniger ecoşê boye firmêsk dête kul