حەسەن گەرمیانی
ئای دیسان چوومە ژێر باڵی ڕەشی شەوگاری تەنیایی ئای دیسان دەبێ بچێژم ژاراوی تاڵی جودایی دەڕۆم دەترسم دەلەرزم لە پەلاماری مۆتەی شەو داد لە دەس ئەو دڵەی وە خەم ئەی داد لە دەس چاوەی بێ خەو وای لە دەس ئەو چاوەی بێ خەو نازدارێکی چارشێوبەسەر بە تەنیشتمدا تێپەڕی بە گوڕ* هات و توند قیژاندی ڕووتەڵەیەک بە بەدفەڕی کەمێ ڕاوەستا جا ڕابورد ئەو لاوەی جادەی ئەپێوا دیار بوو خێسێکی دابوویە ئەو شۆخە لە بن چارشێوا تا تاریکان پەیدا دەبێ چۆڵ و چۆڵتر دەبێ جادە نە دێتە دەر کیژی لەبار نە ڕادبرێ لاوی سادە دوور قاقایەکم گوێ لێ بوو دەتگوت گوللەم پێوە دەنێ چۆن بە ئێوارەی پاییزیش ئی وا هەیە پێ بکەنێ خەیاڵم ببوو بە وشە نەمزانی کەس بە دوامەوە دەنگێکی لەرزۆک و نەرم بەسپایی جوابی دامەوە: بەڵی هەن و یەکجار زۆرن بازرگانی فرمێسک و خوێن بەڵێ هەن و پێ دەکەنن بە سەر بە هەش هەی بە مل بە کوێن ئای دیسان چوومە ژێر باڵی ڕەشی شەوگاری تەنیایی ئای دیسان دەبێ بچێژم ژاراوی تاڵی جودایی دەڕۆم دەترسم دەلەرزم لە پەلاماری مۆتەی شەو ئای لە دەس ئەو دڵەی بە خەم وای لە دەس ئەو چاوەی بێ خەو چاوم لە ئاسمان بڕی دڵم هێندەی دیکە گیرا گەلێ بیرەوەریی دوورم* لەپڕ هاتنەوە بە بیرا وتم کە وا بوو ئاشنا بەشی ئێمە لەناوچوونە گوتی نا نا دوور بڕوانە دوور بڕوانە ئاسۆ ڕوونە
Ay dîsan çûme jêr balî reşî şewgarî tenyayî Ay dîsan debê biçêjim jarawî talî cudayî Derom detirsim delerzim le pelamarî motey şew Dad le des ew diley we xem Ey dad le des çawey bê xew Way le des ew çawey bê xew Nazdarêkî çarşêwbeser be tenîştimda têperî Be gur* hat û tund qîjandî rûteleyek be bedferî Kemê rawesta ca raburd ew lawey cadey epêwa Dyar bû xêsêkî dabûye ew şoxe le bin çarşêwa Ta tarîkan peyda debê çol û çoltir debê cade Ne dête der kîjî lebar ne radbirê lawî sade Dûr qaqayekim gwê lê bû detgut gullem pêwe denê Çon be êwarey payîzîş î wa heye pê bikenê Xeyalim bibû be wişe nemzanî kes be dwamewe Dengêkî lerzok û nerim bespayî cwabî damewe: Belî hen û yekcar zorin bazirganî firmêsk û xwên Belê hen û pê dekenin be ser be heş hey be mil be kwên Ay dîsan çûme jêr balî reşî şewgarî tenyayî Ay dîsan debê biçêjim jarawî talî cudayî Derom detirsim delerzim le pelamarî motey şew Ay le des ew diley be xem Way le des ew çawey bê xew Çawim le asman birî dilim hêndey dîke gîra Gelê bîrewerîy dûrim* lepir hatnewe be bîra Witim ke wa bû aşna beşî ême lenawçûne Gutî na na dûr birwane dûr birwane aso rûne