جوانی جوانی دڵە گیان ئای کە جوانی
شنەی هەواری کوێستانی
گزنگی دەمەوبەیانی
نەرمەبای ناو دارستانی
مانگەشەوی گیان ناو خەیاڵی
بریسکەی بەفری سەر لووتکەی
نێرگزی نەورۆزی ساڵی
ورد و درشت دڵخۆش ئەکەی
زەردەی ئێوارەی بەهاری
کزەی شەماڵی هاوینی
وردەشەپۆلی ڕووباری
تریفەی سەر گۆمی شینی
هاژەی چەمی گیان دارستانی
هێشووی سەر لقی ناو ڕەزی
پشکۆی ئاگری زستانی
پلکەزێڕینەی پاییزی
جوانی جوانی دڵە گیان ئای کە جوانی
شنەی هەواری کوێستانی
نەرمەبای ناو دارستانی
پشکۆی ئاگری زستانی
شنەی هەواری کوێستانی