ئەرێ وەی ئامینێ ئامینێ
ئامینێ گیان کوێستانمان لە شنۆیە
یاری من شۆخە گوارە لە گوێیە
ئەی هاوار من چی بکەم مەیلم لێیە
ئەرێ وەی ئامینێ بۆت نەماوم
بە ژینم بە ئایینم بە یەقینم
کوێستانمان لە ڕەندۆڵە
ئەی هاوار شۆخە
زۆر شۆخ نەرم و نۆڵە
پێم گوت کوێت ماچ کەم جوانێ
وەی کوتی بەینی مەمکۆڵە
ئاوری لە من بەرداوە
یارم شۆخە بە بیللا
ئەی ناسک و نەرم و نۆڵە
ئەرێ ئامینێ گیان ئامینێ ئامینێ
چاوی تۆ جامی شەرابی منە
ئەبرۆی تۆ کەمان و چەنگ و ڕوبابی منە
لەبخەندت دەمکوژێ دین و ئیمانی منە
بۆچی لێم زیزی بۆچی تۆراوی
هەر دەڵێی ئاسکی گەردن خوێناوی
یا دەڵێی وەنەوشەی شەونم لێی داوی
ئەرێ وای وای
دە بڕۆ لە من حەرام بی هەر وەک شەراب لە شێخان
هیچ قەولی ڕاستت نییە غەیری درۆ و تەفرەدان
ئەگەر قەولم دەدەیەی یەکسەرە وەرە کەوان
دەنا بەو نەعلەتە بی کە خودا کردی لە شەیتان
ڕوحمی خودات لە دڵدا نییە کافری بێ دین و ئیمان
ئەرێ وەی وەی وەی
نازیلێ نازیلێ کێلگەردن بە قوربان
کەنگێ ببین دەستەملان
ئامینێ ئامینێ ئامینێ سینگ کوێستانی قەندیلە
ئەی هاوار بەرۆکت بە دەرزیلە
لێت جوانە پەنجەت شووش و باریکە
ڕێ دەکەوێ بە بیللا قامکت بۆ ئەنگوستیلە
لەبەر چی لێم تۆراوی زیزبوونت بێ دەلیلە
ئەرێ وەی وەی وەی
لەبەر ئەو ژنە ڕەشتاڵە قەدی دەڵێی شمشاڵە
من سەر کەمە سەر ڕانت پێم دادە بەو دەسماڵە
گەر گولە پرسی کێیە بمشێلە بڵێ بێحاڵە
عرووسم جووم ئەرمەنیم دینم بۆ تۆ بەتاڵە
سەعات لە هەشتی شەوێ ماچ کەم ئەو خەت و خاڵە
کوشتوومی کوڕە بەبیللا ناسکێ دایکی منداڵە
بێوەژنە یان کچە هەر دەڵێی شەکی کاڵە
ئەرێ وەی...
تەحا لەو جووتە چاوە ڕێم نییە بکەم سڵاوە
سینگی پەنیری کوردی زوڵفی گیابەند و خاوە
کەلەکەی چەپەم کونە ئەو ژنە بە مست لێیداوە
ئەو ژنە بە مست لێیداوە
مانگی چاردە ئەو کچەی دی خەجاڵەت بوو گەڕاوە
کراس مەخمەر دارابی لەسەر پانیەی وێستاوە
پووزی وەک کرمی سپی پاوانەی تێ کراوە
لەبەر ئەو دایکە دەمرم مەمکی سەر زاری ناوە
ئامینێ ئامینێ چاوی تۆ جامی شەرابی منە
ئەرێ وەی ئامینێ گیان... من دینێ و ئەتۆ دینێ
بە هەردووکمان سەرینێ با گولە کوێر بێ نەتبینێ
ئەڵڵا
خودایە من زوو بمرم بەڵکی مەرگی نەبینم
ئەرێ وەی ئامینێ گیان ئامینێ گیان...
کێلگەردن بە قوربان دەس لە ملان
بۆت مردم بۆت مردم بۆت سووتاوم بە کەعبان
ئامینێ چاوی تۆ جامی شەرابی منە
ئەبرۆی تۆ کەمان و چەنگ و ڕوبابی منە
لەبخەندت دەمکوژێ دین و ئیمانی منە
بۆچی لێم زیزی بۆچ نامدوێنێ
هەر دەڵێی ئاسکی گەردن بە خوێنی
بەبیللا ئاسکی دەوری بیتوێنی
ئەرێ وەی وەی وەی
لەبەر دەرکییان دارە هەنجیرە یان هەنارە
لەسەر باڵای تیشکەڵێ با بمدەن لە سێدارە
شەرتە تاکو نەمکوژن دەسهەڵگیر نیم لەو یارە
شەو و ڕۆژ لەیل و نەهار
شەو و ڕۆژ لەیل و نەهار دڵ بۆ وی بێقەرارە
خزمینە لۆمەم مەکەن مەمکی دەڵێی هەنارە
دەڵێم بە سڵامەتی زاوا ئەمڕۆ تاکو ئێوارە
ئەرێ وەی باریک و چاوهەڵۆیە کوڵمی تۆڵەگەزۆیە
گوارەی لە گوێ سێ گۆیە وەک برنجی عەنبەربۆیە
ئاوری لە من بەرداوە یارم خەڵکی شنۆیە
زاوا بەبیللا و تەڵڵا بە سڵامەتی ئەتۆیە
Erê wey amînê amînê
Amînê gyan kwêstanman le şinoye
Yarî min şoxe gware le gwêye
Ey hawar min çî bikem meylim lêye
Erê wey amînê bot nemawim
Be jînim be ayînim be yeqînim
Kwêstanman le rendole
Ey hawar şoxe
Zor şox nerim û nole
Pêm gut kwêt maç kem cwanê
Wey kutî beynî memkole
Awrî le min berdawe
Yarim şoxe be bîlla
Ey nask û nerim û nole
Erê amînê gyan amînê amînê
Çawî to camî şerabî mine
Ebroy to keman û çeng û rubabî mine
Lebxendit demkujê dîn û îmanî mine
Boçî lêm zîzî boçî torawî
Her delêy askî gerdin xwênawî
Ya delêy wenewşey şewnim lêy dawî
Erê way way
De biro le min heram bî her wek şerab le şêxan
Hîç qewlî rastit nîye xeyrî diro û tefredan
Eger qewlim dedeyey yeksere were kewan
Dena bew ne’lete bî ke xuda kirdî le şeytan
Ruhmî xudat le dilda nîye kafrî bê dîn û îman
Erê wey wey wey
Nazîlê nazîlê kêlgerdin be qurban
Kengê bibîn destemlan
Amînê amînê amînê sîng kwêstanî qendîle
Ey hawar berokit be derzîle
Lêt cwane pencet şûş û barîke
Rê dekewê be bîlla qamkit bo engustîle
Leber çî lêm torawî zîzbûnit bê delîle
Erê wey wey wey
Leber ew jine reştale qedî delêy şimşale
Min ser keme ser ranit pêm dade bew desmale
Ger gule pirsî kêye bimşêle bilê bêhale
’irûsim cûm ermenîm dînim bo to betale
Se’at le heştî şewê maç kem ew xet û xale
Kuştûmî kure bebîlla naskê daykî mindale
Bêwejne yan kiçe her delêy şekî kale
Erê wey...
Teha lew cûte çawe rêm nîye bikem silawe
Sîngî penîrî kurdî zulfî gyabend û xawe
Kelekey çepem kune ew jine be mist lêydawe
Ew jine be mist lêydawe
Mangî çarde ew kiçey dî xecalet bû gerawe
Kiras mexmer darabî leser panyey wêstawe
Pûzî wek kirmî sipî pawaney tê kirawe
Leber ew dayke demirim memkî ser zarî nawe
Amînê amînê çawî to camî şerabî mine
Erê wey amînê gyan... min dînê û eto dînê
Be herdûkman serînê ba gule kwêr bê netbînê
Ella
Xudaye min zû bimirim belkî mergî nebînim
Erê wey amînê gyan amînê gyan...
Kêlgerdin be qurban des le milan
Bot mirdim bot mirdim bot sûtawim be ke’ban
Amînê çawî to camî şerabî mine
Ebroy to keman û çeng û rubabî mine
Lebxendit demkujê dîn û îmanî mine
Boçî lêm zîzî boç namdiwênê
Her delêy askî gerdin be xwênî
Bebîlla askî dewrî bîtwênî
Erê wey wey wey
Leber derkîyan dare hencîre yan henare
Leser balay tîşkelê ba bimden le sêdare
Şerte taku nemkujin deshelgîr nîm lew yare
Şew û roj leyl û nehar
Şew û roj leyl û nehar dil bo wî bêqerare
Xizmîne lomem meken memkî delêy henare
Delêm be silametî zawa emro taku êware
Erê wey barîk û çawheloye kulmî tolegezoye
Gwarey le gwê sê goye wek birincî ’enberboye
Awrî le min berdawe yarim xelkî şinoye
Zawa bebîlla û tella be silametî etoye
حەسەن زیرەک