بەکر لەگزی
نەمرم هەتا باڵای درێژی چاو و برۆی تیرامێژی نەمرم هەتا دەم و لێوی بەستەی خۆشیم بۆ دەبێژی نەمرم هەتا کۆچ و باری دێتەوە بۆم بە یەکجاری نەمرم هەتا تاوڵی هیوام بۆی هەڵدەدەم لە هەواری نەمرم هەتا ڕۆژێکی وا ئەو ڕۆژەی وا کەس نەیدیوە نەمرم هەتا باخچەی سینەی بۆ من دەگرێ گوڵی هیوا نەمرم هەتا لەگەڵ جوانێ کوا ئەو ڕۆژەی کێ دی کوانێ لەسەر ڕێمان نابێ ڕێگر گەشتێ بکەین بۆ کوێستانی نەمرم هەتا نەمامی من دەگرێ بەری و ئارامی من نەمرم هەتا بۆ نیشتیمان ڕادەپەڕن لاوانی من نەمرم هەتا خوشکەکانم شان بە شانی براکانم بە بێوچان تێ بکوشن بۆ ڕزگاریی نیشتیمانم نەمرم تا هیوام دەدەنێ جا واز دێنم لە شیوەنێ نەمرم هەتا غونچەی دەمی بۆ ئازادی پێ دەکەنێ نەمرم جارێ دەی خودایە ئەو تاسەی وا لە دڵمدایە کاتێ بمرم کە گەییە جێ ئەو کاروانەی لە ڕێدایە
Nemirim heta balay dirêjî çaw û biroy tîramêjî Nemirim heta dem û lêwî bestey xoşîm bo debêjî Nemirim heta koç û barî dêtewe bom be yekcarî Nemirim heta tawlî hîwam boy heldedem le hewarî Nemirim heta rojêkî wa ew rojey wa kes neydîwe Nemirim heta baxçey sîney bo min degrê gulî hîwa Nemirim heta legel cwanê kwa ew rojey kê dî kwanê Leser rêman nabê rêgir geştê bikeyn bo kwêstanî Nemirim heta nemamî min degrê berî û aramî min Nemirim heta bo nîştîman radepern lawanî min Nemirim heta xuşkekanim şan be şanî birakanim Be bêwçan tê bikuşin bo rizgarîy nîştîmanim Nemirim ta hîwam dedenê ca waz dênim le şîwenê Nemirim heta xunçey demî bo azadî pê dekenê Nemirim carê dey xudaye ew tasey wa le dilimdaye Katê bimirim ke geyye cê ew karwaney le rêdaye