محەمەد کەماڵی
نەتناسیوم بەرهەمدزی پیت و فەڕبەر هەڵت کردە ڕەشەبای وڵاتپڕووکێن و وات ئەزانی من دارەبیی دەم ڕووباری وشک و تینووم کە بە شنەش بسکی شۆڕی شانە ئەکرێ بەڵام خۆ من دارەبی نیم من داربەنی چیای سەخت و گەردنکەشم ڕاهاتووی وەیشوومەی سڕ و سەرما و سەهۆڵ و گژەبای تەبیعەتم لە بارەگای ئەگریجەی بووکی ئاواتی سووری منا تۆفانی هانای هەناسەی سارد و سۆڵت کزتر لەوەس دەستی بگاتە بەر پێشی کە زەنگی مەرگی لێ ئەدرێ نەتناسیوم داگیرکەری ماڵ و حاڵم وات ئەزانی ژیلەمۆیەکی ساکارم ئاوی هەموو بەحرەکانی ئەم دونیایەت بەسەر جەستەی منا باراند بەڵام خۆ من ژیلەمۆ نیم من شۆڕشی ڕق و قینی چینی چەوساوەی وڵاتم من هەتاوم منم بنیادنەری ئاوم چەندین ساڵە بەرۆکی ئاواتت گرتووم لە هەر کارێ توانیبێتت هەر بەڵایێ زانیبێتت بۆ تێکشکانم بێوچان هیچ دریغیت لێ نەکردووم بەڵام من هەر زەق و زیندووم بەرەو هەتاوی سەربەستی ڕۆژ لە دوای* ڕۆژ گەشەدارتر بە تینتر چووم نامناسی داگیرکەری کار من دەنگی ڕەوا و بەرحەقی کرێکار و زەحمەتکێشی کوردستانم وادەزانی بە لەشکەر و بە هێرشی مۆغولوارت* وڵاتم داگیر ئەکەیت و ئاسوودە و سەر ئەنەیتەوە و منیش وێنەی فەرمانبەردارێکی بەزیو لە ئاستی بارەگای سامت کڕنوش ئەبەم وادەزانی بە ویڕەویڕی باڵندەی ئاسنینت ئاسمانی هیوام تار ئەبێ و مەلی تیژباڵی سەربەستی و خۆشەویستیم ئەتارێت و لە ئاستی دڕندایەتیت سوجدە ئەبەم بەڵام هەیهات لێرە حەتا مناڵەکان لە باڵندەی ئاسنینت سڵ ناکەن و بە لاسایی ویڕەویڕ و تمبە و ترپەت گاڵتە بە تۆی دوژمن ئەکەن نەتناسیوم نەک هەر تۆ باب و کاڵیشت ساڵەها دەستەویەخەم بوون بمخنکێنن ئاگری ڕق و قینی سوورم بسرەوێنن لەسەر ماڵ و حاڵی خۆما چاڵمەرگم کەن بمڕەوێنن بەڵام هەیهات لەوەتەی کە لێوەکانم فێری وشەی ئازادی بوون شاخ و دۆڵ و دەشت و چیام هاوار ئەکات: وەرن وەرن داگیرکەران من میواندارێکی سووری باوەش ئاوەڵای بێباکم بە زەبری سەرسوڕهێنەری دەست و چەکی پارێزەرانی شەرەفم بۆ تەواوی دژی گەلان گۆڕستانێ فراوانم وەرن! وەرن! من پەردەبازی بەهەشتی دواڕۆژی زەحمەتکێشانم
Netnasîwim berhemdizî pît û ferber Helt kirde reşebay wilatpirûkên û Wat ezanî min darebîy dem rûbarî wişk û tînûm Ke be şineş biskî şorî şane ekirê Belam xo min darebî nîm Min darbenî çyay sext û gerdinkeşim Rahatûy weyşûmey sir û serma û sehol û gijebay tebî’etim Le baregay egrîcey bûkî awatî sûrî mina Tofanî hanay henasey sard û solit kiztir lewes Destî bigate ber pêşî ke zengî mergî lê edrê Netnasîwim dagîrkerî mal û halim Wat ezanî jîlemoyekî sakarim Awî hemû behrekanî em dunyayet Beser cestey mina barand Belam xo min jîlemo nîm Min şorşî riq û qînî çînî çewsawey wilatim Min hetawim Minim binyadnerî awim Çendîn sale berokî awatit girtûm Le her karê twanîbêtit Her belayê zanîbêtit Bo têkşikanim bêwçan Hîç dirîxît lê nekirdûm Belam min her zeq û zîndûm Berew hetawî serbestî Roj le dway* roj geşedartir Be tîntir çûm Namnasî dagîrkerî kar Min dengî rewa û berheqî kirêkar û zehmetkêşî kurdistanim Wadezanî be leşker û be hêrşî moxulwarit* Wilatim dagîr ekeyt û asûde û ser eneytewe û Minîş wêney fermanberdarêkî bezîw Le astî baregay samit kirnuş ebem Wadezanî be wîrewîrî balindey asnînit Asmanî hîwam tar ebê û Melî tîjbalî serbestî û xoşewîstîm etarêt û Le astî dirindayetît sucde ebem Belam heyhat Lêre heta minalekan Le balindey asnînit sil naken û Be lasayî wîrewîr û timbe û tirpet Galte be toy dujmin eken Netnasîwim Nek her to Bab û kalîşt saleha destewyexem bûn bimxinkênin Agirî riq û qînî sûrim bisrewênin Leser mal û halî xoma çalmergim ken Bimrewênin Belam heyhat Lewetey ke lêwekanim fêrî wişey azadî bûn Şax û dol û deşt û çyam hawar ekat: Werin Werin dagîrkeran Min mîwandarêkî sûrî baweş awelay bêbakim Be zebrî sersurhênerî dest û çekî parêzeranî şerefim Bo tewawî dijî gelan goristanê firawanim Werin! werin! Min perdebazî beheştî dwarojî zehmetkêşanim