نەوید زەردی
بولبولی باڵشکاوی وەختی گوڵم هەر شەپۆلان دەدا دڵی لە کوڵم کوردی بەندیی بەیانی نەورۆزم گڕی گرتووە دەروونی پڕ سۆزم موغی بێ ئاگری شەوی یەڵدام چاوەڕێی چارەنووسی ناپەیدام کەوی بێدەنگی نەوبەهارانم گوڵی بێڕەنگی چاو لە بارانم کونجی جێژوانی چۆڵ و خامۆشم سێبەری نازەنینی ڕەشپۆشم دەستی بەربووی کچی گەڕی شاییم هەستی خنکاوی لاوی سەوداییم دەفتەری شیعری شاعیری ڕووتم شەمی سەرگۆڕ و داری تابووتم چۆن دەتوانم بە تۆ بڵێم من چیم خۆم گومانم هەیە کە هەم یا نیم کێلی گۆڕی شەهیدی گومناوم تاکەداری کڕووزی بێ ئاوم کونی گیراوی کۆنە شمشاڵم خەونی ئاڵۆز و خاتیرەی تاڵم ژیلەمۆی ئاگری بەیانانم باوکی فرمێسکم و کوڕی ژانم باڵە سووتاوەکانی پەروانەم شووشە بادەی بەتاڵی مەیخانەم چڵە ڕێحانی دوورە دێراوم سازی ناسازی هەڵپەسێراوم تکە ئاونگی سەر گەڵای زەردم خەستە و دەردەداری چی دەردم دەفتەری شیعری شاعیری ڕووتم شەمی سەرگۆڕ و داری تابووتم چۆن دەتوانم بە تۆ بڵێم من چیم خۆم گومانم هەیە کە هەم یا نیم
Bulbulî balşikawî wextî gulim Her şepolan deda dilî le kulim Kurdî bendîyî beyanî newrozim Girî girtuwe derûnî pir sozim Muxî bê agirî şewî yeldam Çawerêy çarenûsî napeydam Kewî bêdengî newbeharanim Gulî bêrengî çaw le baranim Kuncî cêjwanî çol û xamoşim Sêberî nazenînî reşpoşim Destî berbûy kiçî gerî şayîm Hestî xinkawî lawî sewdayîm Defterî şî’rî şaîrî rûtim Şemî sergor û darî tabûtim Çon detwanim be to bilêm min çîm Xom gumanim heye ke hem ya nîm Kêlî gorî şehîdî gumnawim Takedarî kirûzî bê awim Kunî gîrawî kone şimşalim Xewnî aloz û xatîrey talim Jîlemoy agirî beyananim Bawkî firmêskim û kurî janim Bale sûtawekanî perwanem Şûşe badey betalî meyxanem Çile rêhanî dûre dêrawim Sazî nasazî helpesêrawim Tike awngî ser gelay zerdim Xeste û derdedarî çî derdim Defterî şî’rî şaîrî rûtim Şemî sergor û darî tabûtim Çon detwanim be to bilêm min çîm Xom gumanim heye ke hem ya nîm