حەمەی بەیتان
ئەوە بەهارەو... چ بەهارێکە لە من بە غلوورە خۆ من دەچوومەوە سەر قەبری کاکە سەیدەوانی لە من شین دەبوو شەشپەڕ و شللێرو گەزیزە و نەورۆزەو سەد ماشەڵڵا دەڵێی گوڵێکی دە سوورە شەرت بێ ئەمن لە پاش کاکە سەیدەوانی لە خۆم نابەستم تفەنگی شەش خان و ڕوو ناکەمەوە چیایێ مەغڵوبی داسنیان ناکەمەوە ڕاوی نێرێ بەلەکوورە بەهارێک لە من دادێ عەزیزەکەی لە دنیایەم بەهارە فەسڵێکە گیا دەگرێتەوە ژەنگێ خۆ من دەچوومەوە سەر قەبری کاکە سەیدەوانی لە بابی خۆی زیز بووەو هەر ناکاتەوە دەنگێ خۆ من لە پاش سەیدەوانی لە خۆم حەرام دەکەم ڕاوی دە کێویان و جودا لە ڕاوی دە تفەنگێ بەهارێک لە من دادێ و چ بەهارێکە لە من بە بەفر و بە بارانە خۆ من دەچوومەوە سەر قەبری کاکە سەیدەوانی لە من شین دەبوو شەشپەڕ و شللێرەو گەزیز و نەورۆزە هەرامەتی دانە بە دانە شەرت بێ ئەمن لە پاش کاکە سەیدەوانی لە خۆم نابەستم تفەنگی شەش خان و ڕوو ناکەمەوە چیاێێ مەغڵووبی داسنیان ناکەمەوە ڕاوی بەرانە کێویانە بەهارێک لە من دادێ عەزیزەکەی لە دنیایەم بەهارە چ بەهارێکە لە من بە ئاڵۆزە خۆ من دەچوومەوە سەر قەبری کاکە سەیدەوانی لە من شین دەبوونەوە شەشپەڕ و شللێرە و گەزیزە و هەرامەتی گوڵە نەورۆزە شەرت بێ من لە پاش کاکە سەیدەوانی لە خۆم نابەستم تفەنگی شەش خان و ڕوو ناکەمەوە چیاێێ مەغڵوبی داسنیان ناکەمەوە ڕاوی نێرێ بەلەبۆزە بەهارێک لە من دادێ عەزیزەکەی لە دنیایەم فەسڵێکە دەوڵەمەندان دەچوونەوە کوێستانێ خۆ من لە بۆت ئەوە هەڵدەڵێم بە دەزگیرانی مەلکەوانی سەری هەڵنایەو هەرامەتی لەبەر شەدە لێدانێ بەهارێک لە من دادێ عەزیزەکەی لە دنیایەم بەهارە چ بەهارێکە لە من شین دەنوێنی یاڕەبی خودایە ئەوە نە بکەی، نە بسەبرێنی کەسانێک نەبوو بڵێ عەبدولعەزیزی داسنی دەستی تفەنگێت ورد بێ چاوی دە جاسووسێت کوێر بێ کوانی سوتنێت لە ئانیشکێ بێ قامکی پەلاپیتکێت بشکێنی ئەوە کاکۆڵی کاکە سەیدەوانین دە سیپەیدا با ڕایدەژێنی مەلکەوانم مرد دەنگم نەکرد نێۆچیرەوانم مرد دەنگم نەکرد سەیدەوانم بە دەستی خۆم کوشت ماڵە خۆم وێران کرد مەلکەوانم ڕۆ نەوچیرەوانم ڕۆ گەورەی هەزار و پێنسەت ماڵ داسنی سەیدەوانە ڕۆ تا ئەوێ ڕۆژێ خوداوەندی میری مەزن دەگرێ دیوانێ مەگین بڵێم سەیدەوانە ڕۆ بەهارێک لە من دادێ عەزیزەکەی لە دنیایەم بەهارە چ بەهارێکە لە من چەندە دوورە کێ دیویەتی لە دەورەتی دە زەمانان لەسەر سێ کوڕان ڕا بووک بچتەوە ماڵی دە بابان هەرامەتی هەر بە ڕووی دە سوورە بەهارێک لە من دادێ عەزیزەکەی لە دنیایەم بەهارەو چ بەهارێکە لە من چەندە گرانە عەبدولعەزیزی داسنی ئەوە بانگ دەکاتە دەزگیرانی مەلکەوانی ڕۆڵە وەرە مەرەخەستێ لە مامی خۆت بخوازەو ڕوو بکەوە ماڵی دە بابانە دەزگیرانی مەلکەوانی ئەوە بانگ دەکا مامە هەڵکێشە خەنجەرێکە دەبانە بیست و چوار جارانی بگێڕەوە دە جەرگ و دڵانە ئەمن لە سەر مەلکەوان و نێچیرەوان و سەیدەوانی ڕا بە چ چاووروێکی بکەمەوە ماڵی دە بابانە بەهار چیاێێ مەغڵوبی داسنیان لە من بە لێژە، لە من بە تاتە، هەرامەتی هەر لە من بە بەرزە خۆ من دەچوومەوە سەر جەنازەی سەیدەوانی هەر دە خوێنی خۆی دەگەوزا
Ewe beharew... Çi beharêke le min be xlûre Xo min deçûmewe ser qebrî kake seydewanî Le min şîn debû şeşper û şlêru gezîze û newrozew Sed maşella delêy gulêkî de sûre Şert bê emin le paş kake seydewanî Le xom nabestim tfengî şeş xan û Rû nakemewe çyayê mexlubî dasnyan Nakemewe rawî nêrê belekûre Beharêk le min dadê ’ezîzekey le dinyayem behare Feslêke gya degrêtewe jengê Xo min deçûmewe ser qebrî kake seydewanî Le babî xoy zîz buwew Her nakatewe dengê Xo min le paş seydewanî Le xom heram dekem rawî de kêwyanû Cuda le rawî de tfengê Beharêk le min dadêû çi beharêke le min be befr û be barane Xo min deçûmewe ser qebrî kake seydewanî Le min şîn debû şeşper û şlêrew gezîz û newroze herametî dane be dane Şert bê emin le paş kake seydewanî Le xom nabestim tfengî şeş xanû Rû nakemewe çyaêê mexlûbî dasnyan Nakemewe rawî berane kêwyane Beharêk le min dadê ’ezîzekey le dinyayem behare Çi beharêke le min be aloze Xo min deçûmewe ser qebrî kake seydewanî Le min şîn debûnewe şeşper û şlêre û gezîze û Herametî gule newroze Şert bê min le paş kake seydewanî Le xom nabestim tfengî şeş xanû Rû nakemewe çyaêê mexlubî dasnyan Nakemewe rawî nêrê beleboze Beharêk le min dadê ’ezîzekey le dinyayem Feslêke dewlemendan deçûnewe kwêstanê Xo min le bot ewe heldelêm be dezgîranî melkewanî Serî helnayew herametî leber şede lêdanê Beharêk le min dadê ’ezîzekey le dinyayem behare Çi beharêke le min şîn denwênî Yarebî xudaye ewe ne bkey, ne bsebrênî Kesanêk nebû blê ’ebdul’ezîzî dasnî Destî tfengêt wird bê Çawî de casûsêt kwêr bê Kwanî sutnêt le anîşkê bê Qamkî pelapîtkêt bişkênî Ewe kakolî kake seydewanîn De sîpeyda ba raydejênî Melkewanim mird dengim nekrid Nêoçîrewanim mird dengim nekrid Seydewanim be destî xom kuşt Male xom wêran kird Melkewanim ro Newçîrewanim ro Gewrey hezar û pênset mal dasnî seydewane ro Ta ewê rojê xudawendî mîrî mezn degrê dîwanê Megîn blêm seydewane ro Beharêk le min dadê ’ezîzekey le dinyayem behare çi beharêke le min çende dûre Kê dîwyetî le dewretî de zemanan Leser sê kuran ra bûk biçtewe malî de baban Herametî her be rûy de sûre Beharêk le min dadê ’ezîzekey le dinyayem beharew Çi beharêke le min çende grane ’ebdul’ezîzî dasnî ewe bang dekate dezgîranî melkewanî Role were merexestê le mamî xot bixwazew Rû bkewe malî de babane Dezgîranî melkewanî ewe bang deka mame Helkêşe xencerêke debane Bîst û çwar caranî bgêrewe de cerg û dlane Emin le ser melkewan û nêçîrewan û seydewanî ra Be çi çawurwêkî bkemewe malî de babane Behar çyaêê mexlubî dasnyan Le min be lêje, le min be tate, herametî her le min be berze Xo min deçûmewe ser cenazey seydewanî Her de xwênî xoy degewza