حوسێن ڕەزا ئەسەدی
نە گوڵی نە گوڵبانوویی نە چەم مەس ئاهوویی گیانە مەین و گیانە مەورین تو ئەڕا ئەخنکە خوویی؟ گیسەلت پاسار باخن چەمەلت چۊ چلچراخن لیسک چلچراخم نمەی زۊخ ئاخ و داخم نمەی شەکەتی مە سا تو ئەیر کەم لیز کاخ و باخم نمەی باخەلت گوڵ ئەنارە گیژەل سەروەنت هەر مەری خڵیفە مارە ژیرم و ژارم ئەڕا تو بی پەلامارم ئەڕا تو کەتمسە چاڵی چەمەلت هەر پلە مارم ئەڕا تو ماتە مەمینم تا گ مەوینم بی ساز و بی دووڵ وە برژنگەلەت چەپە مەی لیوەتە مەوم تا گ مەشنەوم بی قسەکردن وە چەم مەست گەپە مەی تەش بریقە مەی ماوە تەم تووز ئاگرا منی کۊرەی دەرۊنم گڕە مەی ڕووژە مایە وەر هورە مایە سەر ئەسکە مەخەنی دەسمە مەگری خڕە مەی دەسەلت ئەگیرە مارم تا گ بۊینە کەس و کارم دووس و کەس و کارم تونی بوو بنیش ستارم تونی واهفە چەترت بچۊچن سەوزیە وەهارم تونی هەم گوڵی هەم گوڵبانوویی هەم چەم مەس ئاهوویی گیانە مەین و گیانە مەوری تو ئەڕا ئەخنکە خوویی؟
Ne gulî ne gulbanûyî Ne çem mes ahûyî Gyane meynû gyane mewrîn Tu era exnike xûyî? Gîselit pasar baxin Çemelit çü çilçiraxin Lîsk çilçiraxim nimey Züx axû daxim nimey Şeketî me sa tu eyr kem Lîz kaxû baxim nimey Baxelit gul enare Gîjel serwenit Her merî xilîfe mare Jîrmû jarim era tu Bî pelamarim era tu Ketmise çalî çemelit Her pile marim era tu Mate memînim ta g mewînim Bî sazû bî dûl We birjingelet çepe mey Lîwete mewm ta g meşnewm Bî qisekirdin we çem mest gepe mey Teş birîqe mey mawe tem tûz Agira minî kürey derünim gire mey Rûje maye wer hure maye ser Eske mexenî desme megrî xire mey Deselit egîre marim Ta g büyne kesû karim Dûsû kesû karim tunî Bû binîş sitarim tunî Wahfe çetirit biçẅiçin Sewzye weharim tunî Hem gulî hem gulbanûyî Hem çem mes ahûyî Gyane meynû gyane mewrî Tu era exnike xûyî?