سەید جەلالەدین محەمەدیان
کرماشان کرماشان شەهرێ مۆحەبەتنیشان قەزا لەلید دۊر بوودن بمینی سەوز و جوان ئەرێ گورانی چڕم ئامان لە باخێ سەروا وەلا باربۆد لە ناو تاقێ تاق وە سان دەی جواو وەلا نەکیسا ئۊشێد ئافەرینێ بی حساو ئەرێ لە بانێ پەڕاو کۊیەی بیستۊن دیارە وەلا فەرهاد لە پەژارەی شیرین شەوبیدارە کرماشان کرماشان شەهرێ مۆحەبەتنیشان لە هەر هووز و هەر ئایین وە یەکجوور قەوم و خیشان ئەرێ ئۊشن جامێجەم ها ناو سەراو نیلوفەر خوەزیا سەیل بکردیایدن دەنگ و باسێ ئاخرسەر تا بزانستیای چۊ بوودن وە ڕووژێ مەحشەر ئەرێ هوو هوو هوو بکەم ئامان لە کۊیەگەی شاهوو وەلا دەنگێ حەقەن حەق تیەیدن لە بان داڵاهوو کرماشان کرماشان خاکد توتیای چاوم لە تۆ بەرز و سەربەرزە هەم نیشان و هەم ناوم وە ویرم نیەچوود یادت لە بیداری و خەوم
Kirmaşan kirmaşan şehrê mohebetnîşan Qeza lelîd diẅir bûdin bimînî sewzû cwan Erê guranî çirim aman le baxê serwa Wela barbod le naw taqê taq we san dey cwaw Wela nekîsa iẅşêd aferînê bî hisaw Erê le banê peraw kiẅyey bîstiẅin dyare Wela ferhad le pejarey şîrîn şewbîdare Kirmaşan kirmaşan şehrê mohebetnîşan Le her hûzû her ayîn we yekcûr qewmû xîşan Erê iẅşin camêcem ha naw seraw nîlufer Xwezya seyl bikirdyaydin dengû basê axirser Ta bizansityay çiẅ bûdin we rûjê mehşer Erê hû hû hû bikem aman le kiẅyegey şahû Wela dengê heqen heq tyeydin le ban dalahû Kirmaşan kirmaşan xakid tutyay çawim Le to berzû serberze hem nîşanû hem nawim We wîrim nyeçûd yadit le bîdarîw xewm