Nasir Razazi
گیان وا بەهارە کەژ و کێو ڕەنگینە دڵە خەمگینە بە تاسە و تینە وەرە با سەیرێ لە کوردستان کەین ئاوپرژێنیکی دڵی بە کوڵمان کەین لە سەر ئارێزەوە با بڕوانم بۆنەکەی خۆشە ئەگاتە گیانم قیبلەکەم شاری سنەی سەربەرزم خاوەنی شۆڕە جەوانی تەرزم قیبلەکەم شاری کزی مل بە کوێن گۆڕی پیرۆزی شەهیدان لە کوێن با بچم دەستە گوڵی لێ دانم دڵی داماوی لە بەر پێ دانم گوڵەبارانی گڵی سمکۆ* کەم گڵەبانانی دڵی پڕسۆ کەم چەپکە شێعرێکی بڵێم بۆ سمکۆ* تا وەکوو دەردی گران بێتەوە سۆ هەی لێ هەی لێ هەی لۆ دەبا بڵێین کوردستان گیانبازین بۆ تۆ قارەمان تاجی سەری شێر پیاوان ناوی تۆ بووتە سرودی لاوان بێ تۆ بێ بابە هەتیوی سەنگەڕ بێ وریشانەوەیە ئاگری شەڕ کۆڕە کورسانی بە عەشقی مەیمان هەموو گیانیان گڕوو سۆزەو پەیمان ژیلەمۆی بێ گڕە پڕ سەودایە ئاگری سووری لە بن سەردایە لە بن ئەو ئاگرە سکڵی سوورن مەشخەڵی نووری بەرەو ڕێی دوورن هەی لێ هەی لێ هەی لۆ دەبا بڵێین کوردستان گیانبازین بۆ تۆ گیان گردی سەیوانی سنە کوچکەڕەشە قیبلەگای هەر دەڵێ وا چارەڕەشە ئازیەتی چارەڕەشی کوچکەڕەشی یا وەکوو ڕەمزە لە بۆ چارەڕەشی سوێند بە خوێنی گەش و سووری دڵی تۆ لە جیای دەست و چەکی ژێر گڵی تۆ بە هەزاران هەزار دەست و تفەنگ هەڵ ئەگرسێنینەوە ئاگری جەنگ تا ئەگەینە ئەوی ڕۆژی واڵا شەنگە باڵا بشەکێنن ئاڵا هەی لێ هەی لێ هەی لۆ دەبا بڵێین کوردستان گیانبازین بۆ تو
Gyan wa behare kej û kêw rengîne Dile xemgîne be tase û tîne Were ba seyrê le kurdistan keyn Awpirjênîkî dilî be kulman keyn Le ser arêzewe ba birwanim Bonekey xoşe egate gyanim Qîblekem şarî siney serberzim Xawenî şore cewanî terzim Qîblekem şarî kizî mil be kwên Gorî pîrozî şehîdan le kwên Ba biçim deste gulî lê danim Dilî damawî le ber pê danim Gulebaranî gilî simko* kem Gilebananî dilî pirso kem Çepke şê’rêkî bilêm bo simko* Ta wekû derdî giran bêtewe so Hey lê hey lê hey lo Deba bilêyn kurdistan gyanbazîn bo to Qareman tacî serî şêr pyawan Nawî to bûte sirudî lawan Bê to bê babe hetîwî senger Bê wirîşaneweye agirî şer Kore kursanî be ’eşqî meyman Hemû gyanyan girû sozew peyman Jîlemoy bê gire pir sewdaye Agirî sûrî le bin serdaye Le bin ew agire siklî sûrin Meşxelî nûrî berew rêy dûrin Hey lê hey lê hey lo Deba bilêyn kurdistan gyanbazîn bo to Gyan girdî seywanî sine kuçkereşe Qîblegay her delê wa çarereşe Azyetî çarereşî kuçkereşî Ya wekû remze le bo çarereşî Swênd be xwênî geş û sûrî dilî to Le cyay dest û çekî jêr gilî to Be hezaran hezar dest û tifeng Hel egirsênînewe agirî ceng Ta egeyne ewî rojî wala Şenge bala bişekênin ala Hey lê hey lê hey lo Deba bilêyn kurdistan gyanbazîn bo tu