Basit Hamagharib
نیوەشەوە دنیا خامۆش دێتە گوێم ئاهەنگێکی خۆش ئاهەنگێکی گیان پەروەرە شادی هێنە خەفەتبەرە ئاهەنگێکی دڵنەوازە تارە یۆڵۆنە یا سازە نا نا ئاهەنگی بلوێرە جا وەرە گوێی بۆ ڕادێرە هەزار خۆزگەم بە خۆت شوانە کە بەو مانگەشەوە جوانە دانیشتووی لە ڕژد و هەڵدێر پەنجە دەبزێوی لە بلوێر دەگەڵ تەبیعەت هاودەمی شادی، بە کەیفی، بێ خەمی ئاغاش بە نۆکەر ناگری وەک من لە داخا نامری وەرە شوانە هەموو شەوێ نیوەشەوێ کاتی خەوێ لەو کێو و نواڵە و زەنوێرە تێ تووڕێنە لەو بلوێرە لەسەر ترۆپکی ئەو کێوە پەنجە لە بلوێر ببزێوە با کێوەکە دەنگ باتەوە شاعیریش خەو بیباتەوە
Nîweşewe dinya xamoş dête gwêm ahengêkî xoş Ahengêkî gyan perwere şadî hêne xefetbere Ahengêkî dilnewaze tare yolone ya saze Na na ahengî bilwêre ca were gwêy bo radêre Hezar xozgem be xot şwane ke bew mangeşewe cwane Danîştûy le rijdû heldêr pence debzêwî le bilwêr Degel tebî’et hawdemî şadî, be keyfî, bê xemî Axaş be noker nagrî wek min le daxa namrî Were şwane hemû şewê nîweşewê katî xewê Lew kêwû nwalew zenwêre tê tûrêne lew bilwêre Leser tiropkî ew kêwe pence le bilwêr bibzêwe Ba kêweke deng batewe şa’îrîş xew bîbatewe