Muhammad Mamle
لە باغان ئاهـ و ناڵین دێ دەڵێن شای گوڵان ڕۆیی لە مەیخانە سەدای شین دێ دەڵێن پیری موغان ڕۆیی دەڵێی دەوری فەلەک سەیری قەمەر میزانی گۆڕاوە کە وا گوڵ زەرد و سونبول تێک چوو ڕەنگی ئەرغەوان ڕۆیی لەبەر چاوی جیهانبینم جیان تاریک بوو نەمزانی نە نووری چاوەکانم چوو نە خورشیدی جیهان ڕۆیی مەڵێن بولبول مەناڵێنە کە وا گوڵ گوڵشەنی چۆڵ کرد دڵ ئارامی نەما قوربان کە ئارامی دڵان ڕۆیی سەرحەر مەستانە هات بولبول بە شادی بۆ تەوافی گوڵ کە دی باغ بێگوڵە داغ بوو بە سەد ناڵە و فوغان ڕۆیی بەهار هات غونچە پشکووت دەنگی بولبول سوو بە سوو ڕۆیی دەبێ حاڵی چ بێ بولبول بەهار زۆر پێ نەچوو ڕۆیی شین و ڕۆ چ هاوارە لە نێو حەڵقەی مریداندا مەگەر خواجەی سەمەرقەندی لە نێو ساحێب دڵان ڕۆیی بە ناڵەی بولبول و قومری وەفایی بۆیە هەر دەگریم گوڵێکی سەرو باڵام بوو بە تاراجی خەزان ڕۆیی هۆنراوە: وەفایی
Le baxan ah û nalîn dê delên şay gulan royî Le meyxane seday şîn dê delên pîrî muxan royî Delêy dewrî felek seyrî qemer mîzanî gorawe Ke wa gul zerd û sunbul têk çû rengî erxewan royî Leber çawî cîhanbînim cyan tarîk bû nemzanî Ne nûrî çawekanim çû ne xurşîdî cîhan royî Melên bulbul menalêne ke wa gul gulşenî çol kird Dil aramî nema qurban ke aramî dilan royî Serher mestane hat bulbul be şadî bo tewafî gul Ke dî bax bêgule dax bû be sed nale û fuxan royî Behar hat xunçe pişkût dengî bulbul sû be sû royî Debê halî çi bê bulbul behar zor pê neçû royî Şîn û ro çi haware le nêw helqey mirîdanda Meger xwacey semerqendî le nêw sahêb dilan royî Be naley bulbul û qumrî wefayî boye her degrîm Gulêkî seru balam bû be taracî xezan royî Honrawe: wefayî