Hama Jaza
برا دوور و خزم دوور و کەسم دوور بە نابەڵەد تەمەن ئەمبا بەرەو ژوور بەڵام ڕوونە بەرەو سێدارە چوونە خەنەی خوێنم لەپێ ئەگرێ ئاڵای سوور بەرەو ژووری بەرەو ژووری سێدارە ماندووی کردووم و شوێنەکەم شێدارە کە نیشانەی پەشێوی پێوە شێوەم ئەوە برینی ئەشکەنجەیە و جێ دارە گەرچی بەرەو دواماڵی ژین بەڕێوەم یەکەم ماڵی مردنم دیارە لێوەم بەشم چونکە مردنی ناو جێ نییە شادم کە تا دوا هەناسەش بەپێوەم مەرگی ئاوا ناگۆڕمەوە بە سەد ژین ژینێ سەرم بۆ دوژمن بێ بە پەرژین سەربەرزییە کە پێڵاوم ئەبینم بەسەر سەری دوژمنەوە لە بەرزیم نەڵێن ئەمرێ و لە ترسی مەرگ پەشێوە پێشمەرگە بم هەر ئەکەومە پێش ئێوە بە مەرگی پێش مەرگی ئێوە ئاسوودەم ڕووشم زەردەی پێکەنینی هەرپێوە ئەگەر لێرەوە نەمتوانیبێ بجەنگم لەوێ بە دەست هاوڕێیێکەوە تفەنگم ئەگەر لێرە بە جێ مابم لە کاروان لەوێ لە پێش کاروانەوە پێشەنگم
Bira dûrû xizim dûrû kesim dûr Be nabeled temen emba berew jûr Belam rûne berew sêdare çûne Xeney xwênim lepê egrê alay sûr Berew jûrî berew jûrî sêdare Mandûy kirdûmû şwênekem şêdare Ke nîşaney peşêwî pêwe şêwem Ewe birînî eşkenceyew cê dare Gerçî berew dwamalî jîn berêwem Yekem malî mirdinim dyare lêwem Beşim çunke mirdinî naw cê nîye Şadim ke ta dwa henaseş bepêwem Mergî awa nagormewe be sed jîn Jînê serim bo dujmin bê be perjîn Serberzîye ke pêlawim ebînim Beser serî dujminewe le berzîm Nelên emrêw le tirsî merg peşêwe Pêşmerge bim her ekewme pêş êwe Be mergî pêş mergî êwe asûdem Rûşim zerdey pêkenînî herpêwe Eger lêrewe nemtiwanîbê bicengim Lewê be dest hawrêyêkewe tifengim Eger lêre be cê mabim le karwan Lewê le pêş karwanewe pêşengim