Jina Saqzi
شەوانە ئەو دەمانەی شەو دەگاتە کاتی نیوەی شەو خەڵک نووست و لە چاوی من کەسەر دیسان ڕەواندی خەو سکوتێکی بەسام سەرتاسەری ئەم دێیە دادەگرێ دەڵێی هەر زیندەوارێکی هەیە لەم دێیەدا دەمرێ تەک و تەنیا بە ئارامی دەچم بۆ گردەکەی بەر دێ بە دڵتەنگی و کز و خەمناکی ڕادەکشێم لەسەر بەردێ دەکەم جا سەیری ئەستێران و هەڵدەمژم شنەی شەوبا شەو بێدەنگی چ خۆشە هەمیشە خۆزگە هەر شەو با وەکوو ئاواڵی چاک ئەستێرەکان گوێ ڕادەدێرن بۆم هەتا بۆیان بەیان کەم موو بە موو ڕازی دەروونی خۆم کوڵم هەڵدەستێ و ئەو جارە لەبەر دەردم دەناڵێنم هەتا ئاگری دڵم دەکوژێتەوە ئەسرین دەبارێنم شەوانە گەر نەکەم ئەو شیوەن و ناڵین و گریانە دەسووتێنێ وجوودم ئاگری ئەم جەرگە بریانە بەڵێ گریانی نیوەی شەو دەکا ناسۆری دڵ مەرحەم کوڵ و کۆم دادەمرکێنێ و بەجێ دێڵێ دڵی من خەم لەت لەتە جەرگم کەسەکەم بۆ دیارت نییە بۆچی مەیلەکەی جارانت نییە
Şewane ew demaney şew degate katî nîwey şew Xelk nûstû le çawî min keser dîsan rewandî xew Sikutêkî besam sertaserî em dêye dadegrê Delêy her zîndewarêkî heye lem dêyeda demrê Tekû tenya be aramî deçim bo girdekey ber dê Be diltengîw kizû xemnakî radekşêm leser berdê Dekem ca seyrî estêranû heldemjim şiney şewba Şew bêdengî çi xoşe hemîşe xozge her şew ba Wekû awalî çak estêrekan gwê radedêrin bom Heta boyan beyan kem mû be mû razî derûnî xom Kulim heldestêw ew care leber derdim denalênim Heta agir î dilim dekujêtewe esrîn debarênim Şewane ger nekem ew şîwenû nalînû giryane Desûtênê wicûdim agir î em cerge biryane Belê giryanî nîwey şew deka nasorî dil merhem Kulû kom dademirkênêw becê dêlê dilî min xem Let lete cergim kesekem bo dyarit nîye Boçî meylekey caranit nîye