Smail Sardashti
مەهاباد ئەی مەهاباد گوڵی سەرتۆپی زەوی زیاتر لە هەموو خاکێک وەبەر دڵان دەکەوی چون شاری پێشەوایە هەردەم بە یادی ئەوی بە ناحەق لە داری دا بە نەعلەت بێ پەهلەوی سورمە لەبۆ چاوان خاکی بەڕە و کۆڵانت بەڵگەیە بۆ شانازی هیممەتی لاوەکانت بوویە بەخت و سەرمەشق بۆ هەموو هاوسێکانت خۆزگە جارێکی دیکە دەکرابمە میوانت یەک بە یەک نێوم دەبرد پێکڕا جێگە و مەکانت یەک بە یەک نێوم دەبرد جێگا بەنرخەکانت سوار ئەسپی خەیاڵ دەبم بەرەو سابڵاغ دەچمەوە گەشتی نێو شار لێ دەدەم ئەوجار دەگەڕێمەوە دەچمە چوارڕای ئازادی ماندووم دەهەسێمەوە سڵاو لە تاقەدار و کانی مام قەمبەرانت جێگای ڕاز و نیازن بۆ کیژ و لاوەکانت مەهاباد لێم قەبووڵ کەی بە دڵ بوومە میوانت دەچمە سەر داشا مەجید بەرەو مەهاباد دەڕوانم دەچمە سەر داشا مەجید بەرەو سابڵاغ دەڕوانم بەڵکوو بێنەوە سەر حاڵ سۆمای هەردوو چاوانم گەر بێت و لێم قەبووڵ کەی بە دڵ لە لات میوانم مەهاباد لێم قەبووڵ کەی من فیدای لاوەکانم سڵاو لە ئەسحابەی سپی مەکۆی زانا و شاعیران حەقیە بە خۆی دەنازێ ئەوانەی بوونە جیران شەهید محەمەد ئەمین و هێمن و هەژار سێ بە سێ لە مێژە بوو چوونە بوونە میوان و هاوسێ حەفتا و هەشتیش ماملێ ڕۆیی گەر لە کن وان وا هەسێ هێمن بولبولی گەل بوو هەژار مامۆستای جەسوور شەهید محەمەد ئەمینمان بە چاوێکی تەڕ و سوور ماملێ لە دەنگ خۆشیدا ئینسانێکی بێ قسوور گەرچی دوو ساڵ نەخۆش بوو وا دەیناڵان لە نێو ژوو دەچمە چوارڕای مەولەوی ماملێ دێتەوە بیرم ئەگەر ماملێم لە بیر چێ لێم حەڵاڵ نەبێ شیرم دەنگ خۆش بوو بۆ ئاوازێ خودا بە ئێمەی دابوو لە چوارپارچەی کوردستان ئەو یەکەم و تەنها بوو لە دووی مریەم سابڵاغی، زێنەبێک لە قەڵاتان یا فاتمێ گەردن کێل ماملێ گەڕا وڵاتان بەڵام دەستی نەکەوت هەناسە سەرد مایەوە بۆ کن هێمن و هەژاری عاقیبەت بایدایەوە بچینە بوداغ سوڵتان و بێینەوە سەر پردی سوور ئێواران لێی دەڕوانی نیشان دەدا هەزار جوور لاو و کیژی سادە و پاک، پاکی بە چەشنی بلوور سەتی دەڕوا بۆ ئەوبەر سەتیش دەچێتەوە نێو ژوور قەدیم مەیدانی هەردی مەرکەزێک بوو لە شاری جێگای حەسانەوەی بێ بۆ ساغ و دەردەداری کەتوومە یادی ماملێ هونەرمەندی کوردەواری زۆر مەحاڵە وێنەی بێ لە دێهات یا لە شاری بەرەو ئەسحابەی سپی تێکی نا کۆچ و باری بۆتە هاوڕێی سەفەری خاڵە هێمن و هەژاری دەچمە دۆڵی کەروێشکە و دێمەوە تەپەی قازی بارگە و بنەم لێ ناوە دەکەم خوداحافزی دەڕۆم بەجێی دەهێڵم دیسان بە هەوای دیدار ڕەبی هەروا بمێنێ خۆش و زەنوێر و سازگار ئەوەی دوژمن بە تۆیە ڕەبی کوێر بێ لە چاوان نێوت هەروا بەرز بێ مەسکەنی شێرە پیاوان
Mehabad ey mehabad gulî sertopî zewî Zyatir le hemû xakêk weber dilan dekewî Çun şarî pêşewaye herdem be yadî ewî Be naheq le darî da be ne’let bê pehlewî Surme lebo çawan xakî berew kolanit Belgeye bo şanazî hîmmetî lawekanit Bûye bextû sermeşq bo hemû hawsêkanit Xozge carêkî dîke dekirabme mîwanit Yek be yek nêwim debird pêkra cêgew mekanit Yek be yek nêwim debird cêga benirxekanit Swar espî xeyal debim berew sablax deçmewe Geştî nêw şar lê dedem ewcar degerêmewe Deçme çwarray azadî mandûm dehesêmewe Silaw le taqedarû kanî mam qemberanit Cêgay razû nyazin bo kîjû lawekanit Mehabad lêm qebûl key be dil bûme mîwanit Deçme ser daşa mecîd berew mehabad derwanim Deçme ser daşa mecîd berew sablax derwanim Belkû bênewe ser hal somay herdû çawanim Ger bêtû lêm qebûl key be dil le lat mîwanim Mehabad lêm qebûl key min fîday lawekanim Silaw le eshabey sipî mekoy zanaw şa’îran Heqye be xoy denazê ewaney bûne cîran Şehîd mihemed emînû hêmnû hejar sê be sê Le mêje bû çûne bûne mîwanû hawsê Heftaw heştîş mamlê royî ger le kin wan wa hesê Hêmin bulbulî gel bû hejar mamostay cesûr Şehîd mihemed emînman be çawêkî terû sûr Mamlê le deng xoşîda însanêkî bê qisûr Gerçî dû sal nexoş bû wa deynalan le nêw jû Deçme çwarray mewlewî mamlê dêtewe bîrim Eger mamlêm le bîr çê lêm helal nebê şîrim Deng xoş bû bo awazê xuda be êmey dabû Le çwarparçey kurdistan ew yekemû tenha bû Le dûy miryem sablaxî, zênebêk le qelatan Ya fatmê gerdin kêl mamlê gera wilatan Belam destî nekewt henase serd mayewe Bo kin hêmnû hejarî ’aqîbet baydayewe Biçîne budax sultanû bêynewe ser pirdî sûr Êwaran lêy derwanî nîşan deda hezar cûr Lawû kîjî sadew pak, pakî be çeşnî bilûr Setî derwa bo ewber setîş deçêtewe nêw jûr Qedîm meydanî herdî merkezêk bû le şarî Cêgay hesanewey bê bo saxû derdedarî Ketûme yadî mamlê hunermendî kurdewarî Zor mehale wêney bê le dêhat ya le şarî Berew eshabey sipî têkî na koçû barî Bote hawrêy seferî xale hêmnû hejarî Deçme dolî kerwêşkew dêmewe tepey qazî Bargew binem lê nawe dekem xudahafzî Derom becêy dehêlim dîsan be heway dîdar Rebî herwa bimênê xoşû zenwêrû sazgar Ewey dujmin be toye rebî kwêr bê le çawan Nêwit herwa berz bê meskenî şêre pyawan