Kani
سۆفی گۆشەی خانەقا بووم ئێستە پیری مەیکەدەم زاهیدی خەڵوەتنشین بووم ئێستە مەست و مەیزەدەم سەروی ئازادیش لەبار و دڵکەش و بەرزە بەڵام گیانەکەم! من شێت و شەیدای لار و لەنجەی ئەم قەدەم کێ وەکوو من سارد و گەرمی ڕۆژگاری چێشتووە؟ گا لە دەشتی گەرمەسێر و گا لە کوێستانی گەدەم من بەرەو ئاسۆ بەرەو ڕووناکی باڵم گرتووە چۆن بەرەو تاریکی دەخشێم، پاڵ وە شەیتانی دەدەم ژینی کورتم دی پڕاوپڕ بوو لە شانازی و شەرەف عومری زۆرم دی کە دوایی هات بە ڕیسوایی و نەدەم ئاگری سینەم بڵێسەی دێ و وڵات ڕۆشەن دەکا ئەو دەمەی خۆم وەک دڵۆپێک دەچمە نێو دەریای عەدەم سۆفی گۆشەی خانەقا بووم ئێستە پیری مەیکەدەم زاهیدی خەڵوەت نشین بووم ئێستە مەست و مەیزەدەم
Sofî goşey xaneqa bûm êste pîrî meykedem Zahîdî xelwet nişîn bûm êste mest û meyzedem Seruy azadîş lebar û dilkeş û berze belam Giyanekem! Min şêt û şeyday lar wlencey em qedem Kê wekû min sard û germî rojgarî çêştwe? Ga le deştî germesêr û ga le kwêstanî gedem Min berew aso berew rûnakî balm girtuwe Çon berew tarîkî dexşêm, pal we şeytanî dedem Jînî kurtim dî pirawpir bû le şanazî û şeref umrî zorim dî ke dwayî hat be rîswayî û nedem Agirî sînem bilêsey dê û wilat roşen deka Ew demey xom wek dilopêk deçme nêw deryay edem Sofî goşey xaneqa bûm êste pîrî meykedem Zahîdî xelwet nişîn bûm êste mest û meyzedem