Abdula Pashew
پێش ئەوەی بێمە بەردەمت کام بیری جوان خورپەدارە کام دێڕ هەڵبەست زۆر بەکارە شانەی دەکەم وەک پەرچەمت لە ماوەی چاوقوچانێکا هەزار و یەک خەونی شیرین دەمکەن بە مەم دەتکەن بە زین! لە خەیاڵما پاییز بەهاری لێ دەتکێ درەختی ڕووت گەڵای سەوزی پێوە دەلکێ بەڵام سەد ئاخ ئەی دەروونپاک کاتێ بانگم دەکەی بە «کاک» کاک وەکوو مار بەرەو گوێچکەم گینگڵ دەدا کە دێمە گۆ خۆی لە زمانم لوول دەدا هێدی هێدی قووتم دەدا کفنی زەردی نائومێدی من لە دڵتام لە دەروونتام لە گلێنەی چاوی ڕوونتام شەرم مەکە! بە ناوی ڕووت ناوم بێنە پڕ بە گەرووت با لە یەکتر ئاشکرا بین تا کەی لەناو ئاگرا بین؟ نە تۆ خوشکەی نە من کاکم خۆشەویستی دەروونپاکم!
Pêş ewey bême berdemit Kam bîrî cwan xurpedare Kam dêr helbest zor bekare Şaney dekem wek perçemit Le mawey çawquçanêka Hezarû yek xewnî şîrîn Demken be mem detken be zîn! Le xeyalma Payîz beharî lê detkê Dirextî rût Gelay sewzî pêwe delkê Belam sed ax ey derûnpak Katê bangim dekey be «kak» Kak wekû mar Berew gwêçkem gîngil deda Ke dême go Xoy le zimanim lûl deda Hêdî hêdî Qûtim deda Kifnî zerdî na’umêdî Min le diltam Le derûntam Le gilêney çawî rûntam Şerim meke! Be nawî rût Nawim bêne pir be gerût Ba le yektir aşkira bîn Ta key lenaw agir a bîn? Ne to xuşkey ne min kakim Xoşewîstî derûnpakim!