Abdula Pashew
دەزانن بۆچی قاچم لە مەیدان داچەقاندووە و جارێ بە شەعر ناڵێم ماڵاوا!؟ چونکە چاوەڕێی شاعیرێک دەکەم گفت و پەیمانی هاتنی داوە ئەو شاعیرەی دێ پەرییەکانی ماد لە ئاوی «وان» و خاکی چیای حەمرین هەڵیانشێلاوە. کاتێ هەڵدەکا لە گەردەلوول و با ڕەهاترە لە من مێرخاستر لە من گەڕناستر لە دوندی قەندیل بێپەرواترە. ئەو شاعیرەی دێ هەر نەفەسێکی دەبێتە نەخشێک لەسەر زناران هەر نیگایەکی مۆمێک پێ دەکا لە تاریکستانی ماڵە هەژاران. ئەو شاعیرەی دێ لە کوێ من دەمم کڵێڵە بووبێ ئەو دەتریشقێنێ. لە کوێ من پرتە و بۆڵەم هاتبێ لەوێ چاوی ئەو چەخماخە دەدا و گڕ دادەچێنێ ئێستا زانیتان بۆچی من قاچم داچەقاندووە و جارێ بە شەعر ناڵێم ماڵاوا!؟ من چاوەڕوانی شاعیرێک دەکەم گفت و پەیمانی هاتنی داوە!
Dezanin boçî Qaçim le meydan daçeqanduwew Carê be şe’ir nalêm malawa!? Çunke çawerêy şa’îrêk dekem Giftû peymanî hatnî dawe Ew şa’îrey dê Perîyekanî mad Le awî «wan»û xakî çyay hemrîn helyanşêlawe. Katê heldeka le gerdelûlû ba rehatre Le min mêrxastir Le min gernastir Le dundî qendîl bêperwatre. Ew şa’îrey dê Her nefesêkî Debête nexşêk leser zinaran Her nîgayekî Momêk pê deka Le tarîkistanî male hejaran. Ew şa’îrey dê Le kwê min demim kilêle bûbê Ew detrîşqênê. Le kwê min pirtew bolem hatbê Lewê çawî ew Çexmaxe dedaw gir dadeçênê Êsta zanîtan boçî min qaçim daçeqanduwew Carê be şe’ir nalêm malawa!? Min çawerwanî şa’îrêk dekem Giftû peymanî hatnî dawe!