Kale Atashi
من ئەو دیلەم لە زیندانی تاریکا هەتاوی بیر ڕووناک ئەکا بەرچاوم بە ناو هەزار حەڵقەی داوی باریکا قەفی زنجیر ئەپچڕێنێ هەنگاوم من ئەو دیلەم لە پشت شوورای پۆڵاوە ئاسۆی هیوای گەشم هەرگیز ون ناکەم بە گڕی سوور بە ڕووی ئاسمان نووسرا بەندە بەندەی ئایین نامەی بڕواکەم مادام هێزی زۆربەی گەلم لە پشتە دڕک گوڵە و ترس ئارامە بۆ خواستم من ئەو دیلەم لە پشت شوورای پۆڵاوە ئاسۆی هیوای گەشم هەرگیز ون ناکەم من ئەو دیلەم کە سرنجی بێ باکم سڵ لە چاوی پڕ لە قینی زەق ناکەم دانەچیڕەی گورگی هاری سەر لاکم زاتی گیانی نەلەرزیوم لەق ناکەم من ئەو دیلەم لە پشت شوورای پۆڵاوە ئاسۆی هیوای گەشم هەرگیز ون ناکەم من ئەو دیلەم کە سرنجی بێ باکم سڵ لە چاوی پڕ لە قینی زەق ناکەم من ئەو دیلەم کە دیلکەری زۆردارم دڵی لەبەر گوڕی ناڵەم ئەلەرزێ تا شڕتر کا کەڵبەی لەشی زامدارم خۆی خراپتر لەناو خوێنا ئەگەوزێ! من ئەو دیلەم لە پشت شوورای پۆڵاوە ئاسۆی هیوای گەشم هەرگیز ون ناکەم
Min ew dîlem le zîndanî tarîka Hetawî bîr rûnak eka berçawim Be naw hezar helqey dawî barîka Qefî zincîr epçirênê hengawim Min ew dîlem le pişt şûray polawe Asoy hîway geşim hergîz win nakem Be girî sûr be rûy asman nûsra Bende bendey ayîn namey birwakem Madam hêzî zorbey gelim le pişte Dirk gulew tirs arame bo xwastim Min ew dîlem le pişt şûray polawe Asoy hîway geşim hergîz win nakem Min ew dîlem ke sirincî bê bakim Sil le çawî pir le qînî zeq nakem Daneçîrey gurgî harî ser lakim Zatî gyanî nelerzîwim leq nakem Min ew dîlem le pişt şûray polawe Asoy hîway geşim hergîz win nakem Min ew dîlem ke sirincî bê bakim Sil le çawî pir le qînî zeq nakem Min ew dîlem ke dîlkerî zordarim Dilî leber gurî nalem elerzê Ta şirtir ka kelbey leşî zamdarim Xoy xiraptir lenaw xwêna egewzê! Min ew dîlem le pişt şûray polawe Asoy hîway geşim hergîz win nakem