Nasir Razazi
دەمەوێ لەگەڵت بدوێم و دڵم نایە ئەی کۆترە باریکەی سەرشین و باڵ خوێناوی نازانم بەو نامەیە دەتکولێنمەوە یا دەتلاوێنمەوە ئەی ژیلەمۆی دامرکاوی شەش سکڵی سوور ئەی یادگاری خۆشەویستترین خۆشەویستەکانی کوردستان ئەی ژنە پێشمەرگە، ئەی پێشمەرگەی ژن دەسا نەرمەناوێنەکە گەردنی شووشت شۆڕکەوە و بڕوانە ئاوێنەی چەم وێنەی چوار کەلەبچەت دەخاتە بەردەم دەسا ئەی کۆترە باریکەکە باڵ بوەشێنە سنوور بپەڕێنە و چاوی فرمێسکاوی هەڵێنە لەمپەڕ تا ئەوپەڕی کوردستان گۆمی خوێنە ئەی پەپوولە زێڕینەکە داگیرکەران لەسەر نەخشەی جوغرافیا چوارمێخەیان کێشاوی دەسا هەوڵێ، هیممەتێ، خۆت ڕاچڵەکێنە، داوی دیلی بپسێنە خوار و ژوور، گەرمێن و کوێستان لەم گوڵ بۆ ئەو گوڵ، لەم چڵ بۆ ئەو چڵ بفڕە و بنیشەوە بۆنیان پێوە کە و بینیان پێوە نێ هیچیان مەدوێرە و هیچیان هەڵمەئاوێرە سەرتاپای ئەم کوردستانە ڕەنگینە یادگاری عەشقی شیرینە بست بە بستی ئەم خاکە خەمبارە گڵکۆی تازەیارە
Demewê legelit bidwêmû dilim naye Ey kotre barîkey serşînû bal xwênawî Nazanim bew nameye detkulênmewe ya detlawênmewe Ey jîlemoy damirkawî şeş siklî sûr Ey yadgarî xoşewîstitrîn xoşewîstekanî kurdistan Ey jine pêşmerge, ey pêşmergey jin Desa nermenawêneke gerdinî şûşt şorkewew birwane awêney çem Wêney çwar kelebçet dexate berdem Desa ey kotre barîkeke bal bweşêne Sinûr biperênew çawî firmêskawî helêne Lemper ta ewperî kurdistan gomî xwêne Ey pepûle zêrîneke dagîrkeran leser nexşey cuxrafya çwarmêxeyan kêşawî Desa hewlê, hîmmetê, xot raçlekêne, dawî dîlî bipsêne Xwarû jûr, germênû kwêstan Lem gul bo ew gul, lem çil bo ew çil bifrew binîşewe Bonyan pêwe kew bînyan pêwe nê Hîçyan medwêrew hîçyan helme’awêre Sertapay em kurdistane rengîne Yadgarî ’eşqî şîrîne Bist be bistî em xake xembare Gilkoy tazeyare