Abdula Pashew
چاوم تاریکە، دڵم بێ خولیا لێم گەڕێن بۆ خۆم تەنیا بم، تەنیا وەکوو بیرێکی فەرامۆشکراو کە یەک پشکەئاو نەبێ لە بنیا نیشتمیانی من شانیشتیمان بوو ئاخ، سەدەی پیتڕۆل ئاخ، گاز و کیمیا! ئاخ چییان لێ کرد: تەرەسی عۆجە و گای بنەی خۆیی و گەوادی دنیا! ترووسکەگڕێک هێشتا هەر ماوە لە ئاگردانی گیانی پڕ بریا... هەر فووی لێ دەکەم بەڵکوو ڕۆژێک بێ بەربێتە سەدەی گۆبڵز و بێریا! وا تەپەی پێ دێ گوێ هەڵخە، دڵە ئەی بزنەکێوی چاوماری وریا! کێیە؟ کوردستان! تەبڵەکی کادرێی مافی مرۆڤ و پڕۆلیتاریا وەرە ژوورەوە! ئەی ئەو چاوانەی لەگەڵ گریانیان کەسێک نەگریا کێ بە قەدەر تۆ تاقی کرایەوە کێ وەک تۆ دڵی کرا بە مۆمیا؟ کێ لە موختەبەر هێندە مایەوە؟ کام مەل کام ئاژەڵ کام کار کام گیا وەرە ژوورەوە! خۆشەویستەکەم وەرە ژوورەوە خۆشەویستەکەم وەرە بن باڵم، بنوو دڵنیا ئەوەی دەیدوورم یەک لە دووانە: «کفن یا ئاڵای ترۆپکی چیا»
Çawim tarîke, dilim bê xulya Lêm gerên bo xom tenya bim, tenya Wekû bîrêkî feramoşkiraw Ke yek pişke’aw nebê le binya Nîştimyanî min şanîştîman bû Ax, sedey pîtrol Ax, gazû kîmya! Ax çîyan lê kird: Teresî ’ocew Gay biney xoyîw Gewadî dinya! Tirûskegrêk hêşta her mawe Le agir idanî gyanî pir birya... Her fûy lê dekem Belkû rojêk bê berbête sedey gobilzû bêrya! Wa tepey pê dê Gwê helxe, dile Ey biznekêwî çawmarî wirya! Kêye? Kurdistan! Teblekî kadrêy mafî mirovû pirolîtarya Were jûrewe! Ey ew çawaney legel giryanyan kesêk negrya Kê be qeder to taqî kirayewe Kê wek to dilî kira be momya? Kê le muxteber hênde mayewe? Kam mel Kam ajel Kam kar Kam gya Were jûrewe! xoşewîstekem Were jûrewe xoşewîstekem Were bin balim, binû dilnya Ewey deydûrim yek le duwane: «kifin ya alay tiropkî çya»