Abdula Pashew
نیازم وایە شەو و ڕۆژێکم تەنیا هی تۆ بێ بڕیارم داوە سەفەرەکانی سەرم ڕاگرم شەپۆلان سڕ کەم تەنیا ورینگەی تۆی تیا بێ ماڵم دەرگە و پەنجەرە و بابوێر کونبڕ کەم خانومانەکەم تۆش تەنیا جارێ خۆت تاقی کەوە با شەو و ڕۆژێک هەمووت هی من بێ هەرچی نەریتە، با دەقی بشکێ هەرچی یاسایە، با سەروبن بێ خۆت لە دەوروبەر لە کەس و کار و ئاشنا بدزەوە لە ئەستێرە و مانگ لە هەور و ساماڵ لە بینە و بەرە و خەمیژگەی دنیا خۆت ڕاپسکێنە تەماشای میلی کاتژمێر مەکە وەک ڕۆژانی تر خۆت مەخەمڵێنە خۆ پیرەدنیا ژێر و ژوور نابێ تەنیا هەر جارێک بۆ شەو و ڕۆژێ نیوەژن بکوژە و ژنێکی ژن بە من شەو و ڕۆژێک دەبم بە هی تۆ تۆش شەو و ڕۆژێک تەنیا هی من بە
Nyazim waye Şewû rojêkim tenya hî to bê Biryarim dawe Seferekanî serim ragirim Şepolan sir kem Tenya wirîngey toy tya bê malim Dergew pencerew babwêr kunbir kem Xanumanekem Toş tenya carê Xot taqî kewe Ba şewû rojêk Hemût hî min bê Herçî nerîte, ba deqî bişkê Herçî yasaye, ba serubin bê Xot le dewruber Le kesû karû aşna bidzewe Le estêrew mang Le hewrû samal Le bînew berew xemîjgey dinya Xot rapsikêne Temaşay mîlî katjimêr meke Wek rojanî tir Xot mexemlêne Xo pîrednya jêrû jûr nabê Tenya her carêk Bo şewû rojê Nîwejin bikujew jinêkî jin be Min şewû rojêk Debim be hî to Toş şewû rojêk Tenya hî min be