زەوی هێشتا لە ڕووت هەڵدێ بدەی سووڕ؟
نەڕووخای ئاسمانی پیری پشتکووڕ؟
کە سۆمایی لە چاو باوکان بڕاوە
بەرۆکی پیرەدایکان دادڕاوە
وەتەن دێوانەکەی خۆتم
وەتەن من خاکی بەرپێتم
جگەرسووتاوی لاوانی بەبێ ماڵ و بەبێ جێتم
لە ڕێگای عەشقی میللەتدا فەداکاری دەکەم، شێتم
پەرێشانم پەرێشانم دەمێکە
دڵی من هەر دەمەی لانەی خەمێکە
خۆ هێندە دڵپڕم پێم خۆشە بگریم
وەی کە فرمێسک و هەناسەش مەڵحەمێکە
وەتەن های ژین و ژیوار
وەتەن خزم و کەس و کار
وەتەن بۆت دەمرم ئەوجار
وەکوو ئاوی بنی گۆمێ کە جێ مابم لە ڕووبارێ
وەکوو بەردی قەدی شاخی کە تەنرا بم لە دیوارێ
هەر وەک گەڵای زەردی پایز دەسم بەربەن لە قەد دارێ
دڵم تەنگە لە تەنهایی، نە هەمڕازێ، نە خەمخوارێ
من ئەو بەردەی گرفتارم کە دیلی چینی دیوارم
هەر ئەو ئاوەی بنی گۆمم کە جێ ماوم لە ڕووبارم
گەڵای زەردم، مەلی پیرم، منم زامداری زەنجیرم
گەڵای زەردم، مەلی پیرم، منم دڵداری زەنجیرم
وەبیرم دێ کە چەن ساڵە لە بەندیخانە یەخسیرم
لە تاریکی ژیانمدا لە سووچی سەردی زیندانا
بە مۆرەی نەردی ناکامی بەجارێ عومری خۆم دانا
بەڵام ئەو کاتە لاوێ بووم کەچی ئێستا وەها پیرم
هەیە جارێ غەمینیی ئەو دڵەی خۆم بێنەوە بیرم
قەرەوڵ دێت و ڕادەبرێ شەوانی عومرم ئەژمێرێ
شەوێک دێ وا منی دیلیش بە دەستی مردن ئەسپێرێ
شەوێک دێ وا منی دیلیش بە دەستی مردن ئەسپێرێ
شەوی تاریکە لێم شێواوە ڕێگا
بەیانی هات و زۆری ماوە ڕێگا
ژیانم هەر وەکوو ئەوشۆ وەهایە
بەرەو هەرلا دەچم بەسراوە ڕێگا
وەتەن ئەی مەوتەنی دایە
وەتەن دەینێ لە دڵمایە
سەری بێ نرخ و بێ مایە
لە پێناوی وەتەندایە
Zewî hêşta le rût heldê bidey sûr?
Nerûxay asmanî pîrî piştikûr?
Ke somayî le çaw bawkan birawe
Berokî pîredaykan dadrawe
Weten dêwanekey xotim
Weten min xakî berpêtim
Cigersûtawî lawanî bebê mal û bebê cêtim
Le rêgay ’eşqî mîlletda fedakarî dekem, şêtim
Perêşanim perêşanim demêke
Dilî min her demey laney xemêke
Xo hênde dilpirim pêm xoşe bigrîm
Wey ke firmêsk û henaseş melhemêke
Weten hay jîn û jîwar
Weten xizim û kes û kar
Weten bot demirim ewcar
Wekû awî binî gomê ke cê mabim le rûbarê
Wekû berdî qedî şaxî ke tenra bim le dîwarê
Her wek gelay zerdî payz desim berben le qed darê
Dilim tenge le tenhayî, ne hemrazê, ne xemxiwarê
Min ew berdey giriftarim ke dîlî çînî dîwarim
Her ew awey binî gomim ke cê mawim le rûbarim
Gelay zerdim, melî pîrim, minim zamdarî zencîrim
Gelay zerdim, melî pîrim, minim dildarî zencîrim
Webîrim dê ke çen sale le bendîxane yexsîrim
Le tarîkî jyanmida le sûçî serdî zîndana
Be morey nerdî nakamî becarê ’umrî xom dana
Belam ew kate lawê bûm keçî êsta weha pîrim
heye carê xemînîy ew diley xom bênewe bîrim
Qerewl dêt û radebrê şewanî ’umirim ejmêrê
Şewêk dê wa minî dîlîş be destî mirdin espêrê
Şewêk dê wa minî dîlîş be destî mirdin espêrê
Şewî tarîke lêm şêwawe rêga
Beyanî hat û zorî mawe rêga
Jyanim her wekû ewşo wehaye
Berew herla deçim besrawe rêga
Weten ey mewtenî daye
Weten deynê le dilmaye
Serî bê nirx û bê maye
Le pênawî wetendaye
Hasan Kakayi