Kawa Fathi
سەیری بەرەی سێدارە کەن نایانەوێ هەتاو هەڵبێ لە دارستانی ئاوینە کۆتری ئاشتی ئۆقرە بگرێ خەونی مناڵانی دەریا دایکی ئاوارە ئەنێژن کێ دەتوانێ لەم وڵاتە ڕێ لە باران و گوڵ بگرێ تفەنگی دەستی تۆ لانکە و لایەلایەی بۆ دەخوێنی تا نیشتمان لە باوشتا هەتا کازیوە دێ بنوێ پەنجەکانت دە ڕووبارن لە خاکیشا سروود ئەڵێن تا خاکی سووری نیشتمان لەم پاییزە گوڵ بگرێ کە گوللەی دوژمنی دێرین بەرزی باڵات زامدار ئەکا ئەڵێی دەریایت و ماسی سوور لە باوشتا ئۆقرە دەگرێ تاڵ بە تاڵی قژی خاوت گزنگی خۆری شەوگارن تۆ شۆڕەبیت مەل دەزانێ شۆڕەبی بەپێوە دەمرێ خەونەکانت باڵا دەکەن ڕێگەی لافاوی مەرگ دەگرن تا تۆ بوویت و پەپوولە بێ ڕۆحی ئازادی نامرێ
Seyrî berey sêdare ken nayanewê hetaw helbê Le daristanî awîne kotrî aştî oqre bigrê Xewnî minalanî derya daykî aware enêjin Kê detwanê lem wilate rê le baranû gul bigrê Tifengî destî to lankew layelayey bo dexwênî Ta nîştiman le bawişta heta kazîwe dê binwê Pencekanit de rûbarin le xakîşa sirûd elên Ta xakî sûrî nîştiman lem payîze gul bigrê Ke gulley dujminî dêrîn berzî balat zamdar eka Elêy deryaytû masî sûr le bawişta oqre degrê Tal be talî qijî xawit giznigî xorî şewgarin To şorebît mel dezanê şorebî bepêwe demrê Xewnekanit bala deken rêgey lafawî merg degirin Ta to bûytû pepûle bê rohî azadî namrê