Nasir Razazi
قەومی کورد ئیسباتی کرد بۆ عالەمی سەر ڕووی زەمین میللەتێکی قارەمانن هەر ئەبێ سەربەست بژین میللەتێ لاوی لە ڕێگەی سەربەخۆیی نیشتمان بێتە بەر سێدارە بێ ترس، دەم بە خەندە و پێکەنین قەومی وا نامرێ، ئەژین با دوژمنی هەر شەبپەرێ ساحیبی ڕۆڵەی نەبەردە، خاوەنی عەزمی مەتین ئەو کەسەی گیانی لە ڕێگەی نیشتمانا بەخت ئەکا پێی مەڵێن مردووە، شەهیدە وا لە فیردەوسی بەرین لاوی کورد مەردە، لە مردن قەتعییەن باکی نییە پەندی پێشینانە ڕاستە، بەرخی نێر بۆ سەربڕین وا وەتەن دیسان بە مەحزوونی ئەڵێ ئەی لاوەکان بۆچی وا مات و مەلوولن، بەسیەتی شین و گرین ڕۆژی تێکۆشانە، سا دەی هیممەتێ تاکوو زووە بەشکوو لەم حاڵە نەجاتمان بێ و لە دیلی دەربچین گەرچی هەندێ کەس خەریکن ورگ و گیرفان پڕ ئەکەن شەو بە بێخەم سەر ئەنێنە سەر سەرین پیاو ئەبێ داییم خەمی قەوم و وڵاتی خۆی هەبێ ئەو کەسانەی بێ خەمن حاشا نەوەی ئەم خاکە نین هۆنراوەی فایق بێکەس
Qewmî kurd îsbatî kird bo ’alemî ser rûy zemîn Mîlletêkî qaremanin her ebê serbest bijîn Mîlletê lawî le rêgey serbexoyî nîştiman Bête ber sêdare bê tirs, dem be xendew pêkenîn Qewmî wa namrê, ejîn ba dujminî her şebperê Sahîbî roley neberde, xawenî ’ezmî metîn Ew kesey gyanî le rêgey nîştimana bext eka Pêy melên mirduwe, şehîde wa le fîrdewsî berîn Lawî kurd merde, le mirdin qet’îyen bakî nîye Pendî pêşînane raste, berxî nêr bo serbirîn Wa weten dîsan be mehzûnî elê ey lawekan Boçî wa matû melûln, besyetî şînû girîn Rojî têkoşane, sa dey hîmmetê takû zuwe Beşkû lem hale necatman bêw le dîlî derbiçîn Gerçî hendê kes xerîkin wirgû gîrfan pir eken Şew be bêxem ser enêne ser serîn Pyaw ebê dayîm xemî qewmû wilatî xoy hebê Ew kesaney bê xemin haşa newey em xake nîn Honrawey fayq bêkes