Hasan Zyafati
وڵاتانی تێری جیهان دەفتەرێکی سووریان هەیە بۆ ئەو مەل و گیاندارانەی کە کوشتنیان قەدەغەیە داوا دەکەم لە یۆنیسکۆ لە دەفتەرە سوورەکەیدا ناوی منیش تۆمار بکا لە ڕاوکەر و بازرگانان کەوڵ و پێستم ڕزگار بکا نە خزۆکم بە خشپەیێک تێتەقێنم خەڕەند و هەڵدێر و تەڵان نە دەعباشم بە کەڵبە بێچوو هەڵگرم کونەشاخێک بکەم بە لان نە باڵندەم، عەرد دەرم کا دەرکەی ئاسمان ڤەکەم بە باڵ نە ماسیشم گەرداو هەڵکا ناخی دەریا پەنام بدا و پەی پێم نەبا چاوی خەیاڵ من هەم و نیم دووپێیەکم کەچی ئەوا زەردەواڵەی دووپێ دەمخۆن تێم ئاڵاون لە ڕاست و چەپ، لە خوار و ژوور تکام لێتە پەنام بدە دەفتەری سوور
Wilatanî têrî cîhan defterêkî sûryan heye Bo ew melû gyandaraney ke kuştinyan qedexeye Dawa dekem le yonîsko le deftere sûrekeyda nawî minîş tomar bika Le rawkerû bazirganan kewlû pêstim rizgar bika Ne xizokim be xişpeyêk têteqênim xerendû heldêrû telan Ne de’başim be kelbe bêçû helgirim kuneşaxêk bikem be lan Ne balindem, ’erd derim ka derkey asman vekem be bal Ne masîşim gerdaw helka naxî derya penam bidaw pey pêm neba çawî xeyal Min hemû nîm dûpêyekim Keçî ewa zerdewaley dûpê demxon Têm alawin le rastû çep, le xwarû jûr Tikam lête penam bide defterî sûr