Awat Bokani
ڕۆژهەڵاتی خوێناوی هەر ڕۆڵەی ئەمەگدارتم بە گیان و دڵ تا ماوم گیانباز و وەفادارتم کەچی ئێستا بە جەستە دوور لە شەقامی شارتم لە هەر کوێ بم تا دەژیم دەنگ و سەدا و هاوارتم وەکوو دایکی شەهیدان تازیەبار و خەمبارتم وەکوو دایکی شەهیدان خەمبار و تازیەدارتم خوێنی جەستەی لاوانی بوێر و بریندارتم دەنگی ڕۆڵەی بێ دایک و بێ ناز و کەس و کارتم شینگێڕی شەهیدانی هەرمان و شکۆدارتم شینگێڕی شەهیدانی هەرمان و شکۆدارتم سوێندم خواردووە بە خاکت بۆخۆم خزمەتگوزارتم ڕەشپۆشی ماتەمین و دەرد و خەم و ئازارتم چاوەڕێی دەرکەوتنی هەتاوی پرشنگدارتم لە ڕێبازی ئەویندا من چوکەڵە ڕێبوارتم بەڵێن بێ ئەی ڕۆژهەڵات چەقڵی چاوی نەیارتم لە داخ زوڵمی نەیار و قانوونی شەوپەرستان هەستاون بە شۆڕشێک بەر عەلەیهی فاشیستان هەستاوین بە شۆڕشێک بە عەلەیهی فاشیستان یاری منیش لە ناویان دیارە ئاڵا لە دەستان ئافەرین لاوەکانم برۆن بەبێ ڕاوەستان هەزار سڵاو لە خۆتان، سڵاو لە سۆز و هەستتان ڕۆژهەڵات ئازاد دەبێ نامێنن بەرهەڵستان ئەوکات کوردانی دەرێش دێنەوە بۆ کوردستان یاران دوێشە لە خەودا خەونی کوردستانم دی خەونی کوردستانێکی یەکگرەوە و جوانم دی پێموابوو لە بەهەشتم خەوێکی هێند جوانم دی خەونی سەرکەوتنی کورد و لە دوژمن زڕانم دی خەونی ڕۆژهەڵاتەکەم سابڵاغ و بۆکانم دی باوەشی گەرمی چوارچرا و ڕۆڵەی قارەمانم دی شاری شنۆ و سەردەشتم پڕ لە شێرەخانم دی خەونی ئاربابای بانە سەربەرزی چیاکانم دی پیرانشار و نەغەدەم وەک ڕۆح و ڕەوانم دی ورمێ و سەڵماس و ماکۆ، خۆیێ بادینانم دی خەونی سەقزی خێناوی شەهیدی ژنانم دی نێو دیواندەرە و پاوەی جێی شێرەمەردانم دی جوانڕۆ لەگەڵ مەریوان، سنە و کرماشانم دی نەمردم وا لە ئیلام سەرکەوتنی کوردانم دی لە تیکاب و کامیاران نەمانی جاشانم دی هەڵاتنی جاش وەک ڕێوی کلک لەسەرشانم دی شۆڕش و سەرهەڵدانی نوێ لە خیابانم دی ئاڵای کوردستانەکەم لە دەس ڕۆڵەکانم دی میوانداری باشوورم وەک ئەرکی سەرشانم دی گەلی کوردم پێکەوە، دڵخۆشی ئەوانم دی خوایە من عەبدی خۆتم گەلێ دەرد و ژانم دی لە خاکی پیرۆزمدا سووتان و ڕووخانم دی چەندین فرمێسکی خوێنی دایکی شەهیدانم دی چەندین پەت و سێدارە و مەرگ و لەداردانم دی ئاوارەیی و بێکەسی پشت میلەی زیندانم دی بەسە تا کەی خوایە گیان عومرێک ئازاردانم دی لە خاکەکەی خۆما مردنی بۆ نانم دی لە خاکەکەی خۆما مردنم بۆ نانم دی فەرهادی جوانەمەرگی بەر ڕنووەبەفرانم دی لەو کاتەوە خنکاوم کە مەرگی ئایلانم دی لەو کاتەوە خنکاوم ئایلانی بێ گیانم دی زۆر جار پەشیمان دەبم کە هاتم جیهانم دی کفر نەبێ لە گەردوون هەزار جار گومانم دی کوردم بە تاقی تەنیا بەبێ پشتیوانم دی وەک پشتیوانی کوردان فەقەت چیاکانم دی وەک پشتیوانی کوردان فەقەت کێوەکانم دی خوشکێکم شەهید کرا ئاخر چ بوو تاوانی!؟ تاوانی هەر ئەوە بوو کە کورد بوو و کوردستانی! بە دەم شەهادەتەوە پێکەنین لێوەکانی بوو بە هێمای ئازادی کیژۆڵەی نیشتمانی مەرگ بۆ دیکتاتۆر و لەعنەت لە جاشەکانی ئەوانەی ژینایان کوشت بۆ خاتری قوڕئانی ڕەبی ماڵیان وێران بێ کوێر بن لە دوو چاوانی بەڵام ژینا نامرێ مردن ناگاتە شانی بۆ ئەمری تۆڵە سوورین لەسەر ڕێبازی جوانی هەموو پێکەوە دەیڵێین هەڵبەستی نیشتمانی ژینای ئێمە نامری تۆ ڕەمزی بەرخۆدانی ناوت ئەوەندە بەرزە ورە و هێزی لاوانی لە گۆڕیشدا چەقڵێکی، لە چاوی دوژمنانی ئەتۆی هێمای ژیانی، دایک و خۆشکی کچانی
Rojhelatî xwênawî her roley emegdartim Be gyanû dil ta mawim gyanbazû wefadartim Keçî êsta be ceste dûr le şeqamî şartim Le her kwê bim ta dejîm dengû sedaw hawartim Wekû daykî şehîdan tazyebarû xembartim Wekû daykî şehîdan xembarû tazyedartim Xwênî cestey lawanî bwêrû birîndartim Dengî roley bê daykû bê nazû kesû kartim Şîngêrî şehîdanî hermanû şikodartim Şîngêrî şehîdanî hermanû şikodartim Swêndim xwarduwe be xakit boxom xizmetguzartim Reşpoşî matemînû derdû xemû azartim Çawerêy derkewtinî hetawî pirşingidartim Le rêbazî ewînda min çukele rêbwartim Belên bê ey rojhelat çeqlî çawî neyartim Le dax zulmî neyarû qanûnî şewperistan Hestawin be şorşêk ber ’eleyhî faşîstan Hestawîn be şorşêk be ’eleyhî faşîstan Yarî minîş le nawyan dyare ala le destan Aferîn lawekanim biron bebê rawestan Hezar silaw le xotan, silaw le sozû hestitan Rojhelat azad debê namênin berhelistan Ewkat kurdanî derêş dênewe bo kurdistan Yaran dwêşe le xewda xewnî kurdistanim dî Xewnî kurdistanêkî yekgirewew cwanim dî Pêmwabû le beheştim xewêkî hênd cwanim dî Xewnî serkewtinî kurdû le dujmin ziranim dî Xewnî rojhelatekem sablaxû bokanim dî Baweşî germî çwarçiraw roley qaremanim dî Şarî şinow serdeştim pir le şêrexanim dî Xewnî arbabay bane serberzî çyakanim dî Pîranşarû nexedem wek rohû rewanim dî Wirmêw selmasû mako, xoyê badînanim dî Xewnî seqzî xênawî şehîdî jinanim dî Nêw dîwanderew pawey cêy şêremerdanim dî Cwanro legel merîwan, sinew kirmaşanim dî Nemirdim wa le îlam serkewtinî kurdanim dî Le tîkabû kamyaran nemanî caşanim dî Helatnî caş wek rêwî kilk leserşanim dî Şorşû serheldanî nwê le xyabanim dî Alay kurdistanekem le des rolekanim dî Mîwandarî başûrim wek erkî serşanim dî Gelî kurdim pêkewe, dilxoşî ewanim dî Xwaye min ’ebdî xotim gelê derdû janim dî Le xakî pîrozmida sûtanû rûxanim dî Çendîn firmêskî xwênî daykî şehîdanim dî Çendîn petû sêdarew mergû ledardanim dî Awareyîw bêkesî pişt mîley zîndanim dî Bese ta key xwaye gyan ’umrêk azardanim dî Le xakekey xoma mirdinî bo nanim dî Le xakekey xoma mirdinim bo nanim dî Ferhadî cwanemergî ber rinuwebefranim dî Lew katewe xinkawim ke mergî aylanim dî Lew katewe xinkawim aylanî bê gyanim dî Zor car peşîman debim ke hatim cîhanim dî Kifir nebê le gerdûn hezar car gumanim dî Kurdim be taqî tenya bebê piştîwanim dî Wek piştîwanî kurdan feqet çyakanim dî Wek piştîwanî kurdan feqet kêwekanim dî Xuşkêkim şehîd kira axir çi bû tawanî!? Tawanî her ewe bû ke kurd bûw kurdistanî! Be dem şehadetewe pêkenîn lêwekanî Bû be hêmay azadî kîjoley nîştimanî Merg bo dîktatorû le’net le caşekanî Ewaney jînayan kuşt bo xatrî qur’anî Rebî malyan wêran bê kwêr bin le dû çawanî Belam jîna namrê mirdin nagate şanî Bo emrî tole sûrîn leser rêbazî cwanî Hemû pêkewe deylêyn helbestî nîştimanî Jînay ême namrî to remzî berxodanî Nawit ewende berze wirew hêzî lawanî Le gorîşda çeqlêkî, le çawî dujminanî Etoy hêmay jyanî, daykû xoşkî kiçanî