Adnan Karim
لەو ڕۆژەوە تۆی دیوە، پەرێشانە دڵی من سەودازەدە و بێ سەر و سامانە دڵی من سەرگەشتە ئەسووڕێتەوە بێ لانە دڵی من هەر ساتێ بە دەردێکەوە ناڵانە دڵی من هەرچەندە بەدوویا ئەگەڕێم شار و وڵاتان دەشت و کەژ و سەحرا و چیا و چۆڵ و بیابان شێتانە ئەبێ ڕووی لە چ لا کردبێ یاران وەک بولبولەکەی وێڵی گوڵستانە بەهاران ئاخۆ لە چ گوڵزارێ غەزەلخوانە دڵی من سەد خۆزگە بێ بە ئەو ڕۆژە کە نەمستبوو ناوت نەمچێشتبوو تامی مەیی مەیخانەیی چاوت نەیدیبوو دەس و پێی دڵەکەم حەلقەیی داوت ئازاد بوو لە پێچ و خەمی ئەگریجەیی خاوت وا ئێستا لەتاو ئاگری هیجرانی بەتاوت فرمێسکی ئەڵێی تەرزە و بارانە دڵی من لەو ڕۆژەوە تۆی دیوە، پەرێشانە دڵی من سەودازەدە و بێ سەروسامانە دڵی من سەرگەشتە ئەسووڕێتەوە بێ لانە دڵی من هەر ساتێ بە دەردێکەوە ناڵانە دڵی من
Lew rojewe toy dîwe, perêşane dilî min Sewdazedew bê serû samane dilî min Sergeşte esûrêtewe bê lane dilî min Her satê be derdêkewe nalane dilî min Herçende bedûya egerêm şarû wilatan Deştû kejû sehraw çyaw çolû byaban Şêtane ebê rûy le çi la kirdibê yaran Wek bulbulekey wêlî gulistane beharan Axo le çi gulzarê xezelxiwane dilî min Sed xozge bê be ew roje ke nemistibû nawit Nemçêştibû tamî meyî meyxaneyî çawit Neydîbû desû pêy dilekem helqeyî dawit Azad bû le pêçû xemî egrîceyî xawit Wa êsta letaw agir î hîcranî betawit Firmêskî elêy terzew barane dilî min Lew rojewe toy dîwe, perêşane dilî min Sewdazedew bê serusamane dilî min Sergeşte esûrêtewe bê lane dilî min Her satê be derdêkewe nalane dilî min