Yadula Rahmani
من کوڕێ خەم بیم لە خەم بیم پەیدا خەم نافم بڕی خەم ناوم نیا خەم چڕی لەلیم: ئەی چارەسیا خەم خوەندە لە گووشم: تونی چارەسیا چیمە شارێ خەم جفتی گا بەستم بوودە خەروار خەم کەفتییەسە دەستم چوارسەدی خەمە و پانسەد پەژارە من وە کووڵ کیشم سۆب تا ئیوارە جفتێ خەم کردم وە خەمینەوە توخمێ خەم شەندم وە زەمینەوە بیڵی لەو خەمە نامە بانێ شان ئاویاری خەم کەم من وە دڵ و گیان وەی وەی وەی فەلای شارێ خەم هەر خوەم هەر خوەم داسی لەو خەمە من ژەندمەوە چەپچەپ لەو خەمە من کەندمەوە تووڕی لە خوەم بی ماڵی لە مەردم کیشەی خەمەگە من تەمام کەردم چانی لە خوەم بی چانیاری لە مەردم هووڵەی خەمەگەم من تەمام کردم وەی وەی وە من وەی شەنی لە خوەم بی شەنیاری مەردم ماسیەی لەو خەمە جیاوە کەردم تووڕی لە خوەم بی ماڵی لە مەردم باری لەو خەمە پەی ئاسیاو بەردم ئاسیاوم خەم بی ئاو ئاسیاوم خەم پای ئاسیاوەگەم لە خەم بی مەحکەم ئاردێ خەم بردم وینەی کووی زوخاڵ بارێ خەم کردم ئاوردم وە ماڵ نانی لەو خەمە نامە وەر داوان ڕۊ کردم لە ڕۊ هەردەی بیاوان خەم خورد و خەم خەو خەم تۆ برامی هەر کوورە مەچم ڕەفیقێ ڕامی نە چلەگیر بیم نە حەفتە مردم ئەڕای خەمخواردن سەر گەورا کردم یەدی، یەدی دی بەسە هەر تۆ خەم نەیری خەڵک گشت خەمبارن تۆ خەوەر نەیری ئای وای وای وای فەلای شارێ خەم هەر خوەم هەر خوەم هەر خوەم هۆنراوە: یەدوڵا ڕەحمانی
Min kurê xem bîm le xem bîm peyda Xem nafim birî xem nawim nya Xem çirî lelîm: ey çaresya Xem xwende le gûşim: tunî çaresya Çîme şarê xem ciftî ga bestim Bûde xerwar xem keftîyese destim Çwarsedî xemew pansed pejare Min we kûl kîşim sob ta îware Ciftê xem kirdim we xemînewe Tuxmê xem şendim we zemînewe Bîlî lew xeme name banê şan Awyarî xem kem min we dilû gyan Wey wey wey felay şarê xem Her xwem her xwem Dasî lew xeme min jendimewe Çepçep lew xeme min kendimewe Tûrî le xwem bî malî le merdim Kîşey xemege min temam kerdim Çanî le xwem bî çanyarî le merdim Hûley xemegem min temam kirdim Wey wey we min wey Şenî le xwem bî şenyarî merdim Masyey lew xeme cyawe kerdim Tûrî le xwem bî malî le merdim Barî lew xeme pey asyaw berdim Asyawim xem bî aw asyawim xem Pay asyawegem le xem bî mehkem Ardê xem birdim wîney kûy zuxal Barê xem kirdim awirdim we mal Nanî lew xeme name wer dawan Riẅ kirdim le riẅ herdey byawan Xem xurdû xem xew xem to biramî Her kûre meçim refîqê ramî Ne çilegîr bîm ne hefte mirdim Eray xemxiwardin ser gewra kirdim Yedî, yedî dî bese her to xem neyrî Xelk gişt xembarin to xewer neyrî Ay way way way felay şarê xem Her xwem her xwem her xwem Honrawe: yedula rehmanî