Aram Mistawfi
نیشتمان ئەی خاک و خۆڵی تۆ کلەی چاوانمە نیشتمان ناوی بەڕێزت هێزی ڕۆح و گیانمە نیشتمان ئەی بەربەیانت ڕۆشنی ئیمانمە نیشتمان ئێوارەکانت خەڵوەتی عیرفانمە نیشتمان قوربانی کوێستانت دڵی پڕدەردی من نیشتمان حەیرانی گەرمێنت هەناسەی سەردی من نیشتمان سەرمەشقی بەرزی هیممەتە کۆماری تۆ مەرکەزی زانست و عیرفانە لادێ و شاری تۆ نیشتمان باغاتی فیردەوسە هەموو گوڵزاری تۆ عیززەت و فەخرە هەموو نەخشی دەر و دیواری تۆ نیشتمان ئەی شاخ و داخانت ئومێدی دڵ هەموو نیشتمان دەشت و بیابانت بەهەشتی ئارەزوو نیشتمان شەرتە کە تۆزی ڕێت بە ئەم دنیا نەدەم شەرتە تا ماوم لە شەرتی گیانفیدایی لا نەدەم نیشتمان شەرتە لە عیشقی پاکی تۆ سەر با نەدەم شەرتە قەد گوێ بۆ ڕەقیب و وسوەسەی ئەعدا نەدەم نیشتمان ئەی فێنکی قەلبم شنەی کوێستانەکەت نیشتمان ئەی ئاوی ژینم خاکی کوردستانەکەت نیشتمان ئێحسانی تۆیە خوێنی باو باپیری من هێزی شان و نووری دیدە و قودرەتی تەدبیری من نیشتمان گەر خوێنی من پاکە و حەڵاڵە شیری من هەر لەسەر ڕێی خۆشەویستیی تۆیە بڕوا و بیری من نیشتمان دایم لەسەر ئاواتی بەرزی ناوی تۆم خاترت جەم بێ بەڵاگەردانی خاک و ئاوی تۆم لاوی کورد ئەر پاکە شیرت، هەستە وەک شێری ژیان ڕا کە مەیدان بۆ بەجێهێنانی مافی نیشتمان ڕۆڵەکەی سوڵتان سەلاحەددین نەخۆی گۆڵی کەسان ڕوکنی ئیمان خۆشەویستیی نیشتمانە بێ گومان لاوی کوردم خوەت نەکەیتە دارە دەستی دوژمنت دوژمنت نەتباتە مەیدان بۆ برای خۆ کوشتنت کوردە قەت نەنوی بە لایەی دوژمنی عەییارەوە شیری دوژمن تێکەڵە حەتمەن بە ژاری مارەوە ڕەنگ نەکەی داوێنی ناموست بە لەککەی عارەوە نیشتمانت دایکتە نەیدەی بە دەس ئەغیارەوە ڕەنجی با و باپیری تۆ ئەم نیشتمانەی دا بە تۆ کوردە وریا بی نەکەی باپیرەکانت ڕەنجەڕۆ
Nîştiman ey xak û xolî to kiley çawanme Nîştiman nawî berêzit hêzî roh û gyanme Nîştiman ey berbeyanit roşnî îmanme Nîştiman êwarekanit xelwetî ’îrfanme Nîştiman qurbanî kwêstanit dilî pirderdî min Nîştiman heyranî germênit henasey serdî min Nîştiman sermeşqî berzî hîmmete komarî to Merkezî zanist û ’îrfane ladê û şarî to Nîştiman baxatî fîrdewse hemû gulzarî to ’îzzet û fexre hemû nexşî der û dîwarî to Nîştiman ey şax û daxanit umêdî dil hemû Nîştiman deşt û byabanit beheştî arezû Nîştiman şerte ke tozî rêt be em dinya nedem Şerte ta mawim le şertî gyanfîdayî la nedem Nîştiman şerte le ’îşqî pakî to ser ba nedem Şerte qed gwê bo reqîb û wiswesey e’da nedem Nîştiman ey fênkî qelbim şiney kwêstaneket Nîştiman ey awî jînim xakî kurdistaneket Nîştiman êhsanî toye xwênî baw bapîrî min Hêzî şan û nûrî dîde û qudretî tedbîrî min Nîştiman ger xwênî min pake û helale şîrî min Her leser rêy xoşewîstîy toye birwa û bîrî min nîştiman daym leser awatî berzî nawî tom Xatirit cem bê belagerdanî xak û awî tom Lawî kurd er pake şîrit, heste wek şêrî jyan Ra ke meydan bo becêhênanî mafî nîştiman Rolekey sultan selaheddîn nexoy golî kesan Ruknî îman xoşewîstîy nîştimane bê guman Lawî kurdim xwet nekeyte dare destî dujminit Dujminit netbate meydan bo biray xo kuştinit Kurde qet nenwî be layey dujminî ’eyyarewe Şîrî dujmin têkele hetmen be jarî marewe Reng nekey dawênî namust be lekkey ’arewe Nîştimanit daykite neydey be des exyarewe Rencî ba û bapîrî to em nîştimaney da be to Kurde wirya bî nekey bapîrekanit rencero