Tahir Khalili
ڕۆژێ ڕێم کەوتە سەربەندی شاخێ کێوی دارستان بەرزەدەماخێ کاتیش چ کاتە؟ کاتی بەهارە کوردستان هەمووی چەشنی گوڵزارە کاتی ئازادی دیلی زستانە پاڵم دا وە پاڵ دار مازوو دارێ ڕوانیم کە تک تک عەتری ئەبارێ نواڕیم لە لاما هەندێ حەیوانە پڕمەی مێگەل و تەقەی گۆچانە دیم نەوجوانێک کەپەنک لە بەر گاڵۆک لە مەچەک، کڵاو لەسەر شمشاڵێکی زەرد لەبەر پشتێنی مەر چاک تێفکری، ئەرنا نایبینی مەرحەبا خاڵۆ، چۆنی کاکە گیان؟ لەویا کەوتە بەین، قانع و شوان مەرحەبا خاڵۆ، چۆنی کاکە گیان؟ چیت لە ون بووە، بەم جۆرە وێڵی؟
Rojê rêm kewte serbendî şaxê Kêwî daristan berzedemaxê Katîş çi kate? katî behare Kurdistan hemûy çeşnî gulzare Katî azadî dîlî zistane Palim da we pal dar mazû darê Rwanîm ke tik tik etrî ebarê Nwarîm le lama hendê heywane Pirmey mêgel û teqey goçane Dîm newciwanêk kepenik le ber Galok le meçek, kilaw leser Şimşalêkî zerd leber piştênî Mer çak têfkirî, erna naybînî Merheba xalo, çonî kake giyan? Lewya kewte beyn, Qane û şiwan Merheba xalo, çonî kake giyan? Çît le win buwe, bem core wêlî?