Hassan Zirak
خاڵێ لەسەر سینگییە لە هیچکەس مەعلووم نییە گرد و منەوەر و جوانە نیو لیرەی پەهلەوییە ماڵیان لە گۆشەی سابڵاغە لە کن چرا بەرقییە سوێندت بۆ بخۆم بەو قوڕعانە جوانی وەک یارم نییە چەندە جوانە چەند مەحبووبە خوشکە چکۆڵەی حوسنییە ساز بن با بچین بۆ داوەتێ داوەت گەرمە و خۆمانە شایی و گۆوەندی وا خۆشە گەلێ لەبەر دڵانە بۆخۆم دوورم نایگەمێ کەس نییە وڵامەی دەمێ کەس نییە وڵامەی دەمێ کەس نییە وڵامەی دەمێ جووتێ ئەبرۆی پەیوەستن کەوتوونە ژێر پەرچەمێ سەبر و هۆشی لێ بڕیوم خستوومیە بەحری غەمێ سووچی عەباکەت لادە دەی مانگ دەردەچێ لە تەمێ ساز بن با بچین بۆ داوەتێ داوەت گەرمە و خۆمانە شایی و گۆوەندی وا خۆشە یەکجار لەبەر دڵانە نەرم و نۆڵ و گرد و مرد داوای دوو ماچم لێ کرد کوڵمەی سێوی لاسوورە تێیدایە خاڵی ورد ورد دە ڕەبی ماڵم وێران بێ من کفری وام بۆچی کرد ئاوری لە من بەرداوە یارم گلەیی لە من کرد ساز بن با بچین بۆ داوەتێ داوەت خۆشە و خۆمانە شایی و گۆوەندی وا جوانە گەلێ لەبەر دڵانە سەعات لە هەشت و حەوت دیتم و چاوم پێی کەوت گرتم بە زولفیمدا کرد عەتری حەفتاد و حەوت ئەی گرتم دوو ماچم لێ سەند دایکی زانی و ڕێم کەوت خودا بەوە ڕوحمی کرد سەرسمێکی دا و کەوت گەر بهاتبا و نەکەوتبا سەد دارم وێ دەکەوت ساز بن با بچین بۆ داوەتێ داوەت خۆشە و خۆمانە شایی و گۆوەندی وا جوانە گەلێ لەبەر دڵانە نەبوو بڵێی جارێ دابنیشین تۆزێ بکەین ڕا و تەگبیر نەبوو جارێ بڵێی دانیشین تۆزێ بکەین ڕا و تەگبیر سەد نەحلەت بێ لەو حاڵەتەم دەس لە مەمکان دەکەم گیر جا چی بوو ماڵێ بابم ئەتۆ جحێڵ و ئەمن پیر ساز بن با بچین بۆ داوەتێ داوەت خۆشە و خۆمانە شایی و گۆوەندی وا جوانە گەلێ لەسەر دڵانە دە بڕۆ لە من حەرام بی هەر وەک شەراب لە شێخان هیچ قەولی ڕاستت نییە غەیری درۆ و تەفرەدان ئەگەر قەولم دەدەیەی بەڕاستی وەرە کەوان دەنا بەو لەعنەتە بی کە خودا کردی لە شەیتان ڕوحمی خودات لە دڵ نییە کافری بێ دین و ئیمان ساز بە با بچین بۆ داوەتێ داوەت گەرمە و خۆمانە شایی و گۆوەندی وا خۆشە گەلێ لەبەر دڵانە
Xalê leser sîngîye le hîçkes me’lûm nîye Gird û minewer û cwane nîw lîrey pehlewîye Malyan le goşey sablaxe le kin çira berqîye Swêndit bo bixom bew qur’ane cwanî wek yarim nîye Çende cwane çend mehbûbe xuşke çikoley husnîye Saz bin ba biçîn bo dawetê dawet germe û xomane Şayî û gowendî wa xoşe gelê leber dilane Boxom dûrim naygemê kes nîye wilamey demê Kes nîye wilamey demê kes nîye wilamey demê Cûtê ebroy peywestin kewtûne jêr perçemê Sebir û hoşî lê birîwim xistûmye behrî xemê Sûçî ’ebaket lade dey mang derdeçê le temê Saz bin ba biçîn bo dawetê dawet germe û xomane Şayî û gowendî wa xoşe yekcar leber dilane Nerim û nol û gird û mird daway dû maçim lê kird Kulmey sêwî lasûre têydaye xalî wird wird De rebî malim wêran bê min kifrî wam boçî kird Awrî le min berdawe yarim gileyî le min kird Saz bin ba biçîn bo dawetê dawet xoşe û xomane Şayî û gowendî wa cwane gelê leber dilane Se’at le heşt û hewt dîtim û çawim pêy kewt Girtim be zulfîmda kird ’etrî heftad û hewt Ey girtim dû maçim lê send daykî zanî û rêm kewt Xuda bewe ruhmî kird sersimêkî da û kewt Ger bihatba û nekewtiba sed darim wê dekewt Saz bin ba biçîn bo dawetê dawet xoşe û xomane Şayî û gowendî wa cwane gelê leber dilane Nebû bilêy carê dabnîşîn tozê bikeyn ra û tegbîr Nebû carê bilêy danîşîn tozê bikeyn ra û tegbîr Sed nehlet bê lew haletem des le memkan dekem gîr Ca çî bû malê babim eto cihêl û emin pîr Saz bin ba biçîn bo dawetê dawet xoşe û xomane Şayî û gowendî wa cwane gelê leser dilane De biro le min heram bî her wek şerab le şêxan Hîç qewlî rastit nîye xeyrî diro û tefredan Eger qewlim dedeyey berastî were kewan Dena bew le’nete bî ke xuda kirdî le şeytan Ruhmî xudat le dil nîye kafrî bê dîn û îman Saz be ba biçîn bo dawetê dawet germe û xomane Şayî û gowendî wa xoşe gelê leber dilane