Changiz Sigarchi
گوڵبەنی قەددت لە قوببەی سینە غونچەی کردووە غونچە بەم شیرینییە قەت نەیشەکەر نەیکردووە نەخلی باڵات نەوبەرە، تازە شکۆفەی کردووە تۆ کە بۆی شیرت لە دەم دێ، ئەم مەمەت کەی کردووە! قامەتت نەخلە، بە شیری، فائیقەی پەی کردووە نەحلی بێنێشی مەمەت شەهدی سپی قەی کردووە نەخل و ڕوممان پێکەوەن، یا باغەبان وەی کردووە: سەروی هێناوە لە سێب و بەی موتوربەی کردووە! بۆ مەمک نالی چ منداڵانە وەی وەی کردووە گەرچی مووی وەک شیرە، بەو شیرە شکۆفەی کردووە خۆش بە هەردوو دەست و دەم گرتوویە ئۆخەی کردووە کیزب و توهمەت، ئیفتیرا و بوهتان کە تۆبەی کردووە
Gulbenî qeddit le qubbey sîne xunçey kirduwe Xunçe bem şîrînîye qet neyşeker neykirduwe Nexlî balat newbere, taze şikofey kirduwe To ke boy şîrit le dem dê, em memet key kirduwe! Qametit nexle, be şîrî, fa’îqey pey kirduwe Nehlî bênêşî memet şehdî sipî qey kirduwe Nexil û rumman pêkewen, ya baxeban wey kirduwe: Serwî hênawe le sêb û bey muturbey kirduwe! Bo memk nalî çi mindalane wey wey kirduwe Gerçî mûy wek şîre, bew şîre şikofey kirduwe Xoş be herdû dest û dem girtûye oxey kirduwe Kîzb û tuhmet, îftîra û buhtan ke tobey kirduwe